Jisálamu 125 - O Mikanda Ikola

O Kuxikana kua kidi

Muimbu ua ngenji uia mu bheza.

¹ Oso a dielela kua Jihova, a kala mukuâ ni mulundu ua Ziione, ka tena ku u zambesa, maji ua xikama kididi katé ku hádia ni hádia.

² Mukuâ ni milundu ki ia bhake Jeluzaleme bhuʼaxaxi, kiene ue Jihova kia bhake o mundu uê bhuʼaxaxi, tunde kiki ni ku hádia ni hádia.

³ Mukonda o mbasá iâ ia usuéia ki i tula ku kibatu kiangene kia athuʼê aiuka; kuiengesa kuila ni ió uaiuka imoxi u zenga o lukuaku mu bhanga kima kiaiibha.

⁴ Jihova, tata, bhanga mbote kua ió athu ambote, oso ala ni mixima iaiuka.

⁵ Maji o ió oso-phe a xi njila, mu kuila njila jengi jabhengalala, Jihova ua kà a kokela kumoxi ni ati a ituxi; o ku thandu dia Izalaiele-phe ku kale paze.