Jisálamu 124 - O Mikanda Ikola

Nzambi Muene Mukudi Uetu, Mubhuludi Uetu

Muimbu ua ngenji uia mu bheza.

¹ Hé ki Jihova uala ku mbandu ietu, Izalaiele a ki zuele kiá;

² Hé ki Jihova uala ku mbandu ietu, kia balumuka athu ni ku tu balukila,

³ hinu a tu minha ni muenhu, kia uama o njinda iâ kala túbhia;

⁴ hinu tuaii ni menha, hungulule ieje ku tu bhita ku thandu,

⁵ mabhuku a izala eje ku tu bhitula, muenhu uetu hinu ua boba.

⁶ Ngana a tane-ku, ka tu ehela kudiua ku mazu a enhó,

⁷ Tua bhulaka mukuâ ni kanjila ka sukunuka bhu mubhetu ua dinhanga; ngoji ia mubhetu ia batuka, etu étu tua tuka.

⁸ Kubhanduluka kuetu kuala mu dijina dia Jihova, muene ua tena kubhanga o diulu ni ixi.