Jisálamu 122 - O Mikanda Ikola

Kusambela O Kutululuka Kua Jeluzaleme

Muimbu ua ngenji uia mu bheza: Mukumbi ua Davidi.

¹ Nga sanguluka kioso kia ngʼambela, exi: Tu bandienu ku onzo ia Jihova.

² Kumbi dia kuzediua kia tula o inama ietu mu nzunga ié, u Jeluzaleme!

³ Jeluzaleme, ua tungiua kiambote; mbanza iê iòtunge ni uhete,

⁴ miji kuene ku aia mu bheza, o miji ia ifuẋi iangene ia Jihova, i banda kuenhoko, kala ki kia xala kijila mua Izalaiele, phala kusakidila o dijina dia Jihova.

⁵ Kuma mu Jeluzaleme muene mua xikika o jimbenza ja kubatuila milonga mu kidi, jimbenza ja ungana ua dibhata dia Davidi.

⁶ Sambenu phala Jeluzaleme a kale ni kutululuka; oso a ku zola, Jeluzaleme, a bonga kuzediua.

⁷ O kuzediua ku tunge mu palaxu jê jauabha.

⁸ Mukonda dia jiphange jami ni makamba mami, nginda muene a kale ni kubhanduluka.

⁹ Mukonda dia inzo ia Jihova, Nzambi ietu, nginda Ngana a ku bhange mbote ja ndumba.