Jisálamu 121 - O Mikanda Ikola

Nzambi Muene Uene Kulanga Athu Oso

Muimbu ua ngenji uia mu bheza.

¹ Ngi bhetula mesuʼami ku milundu, kuebhi ku ngi tundila kubhanduluka?

² Kubhanduluka kuami ku tunda kua Jihova, Ua bhanga o diulu ni ixi.

³ Ka ku ehela kinama kié kuẋangumuka; Ió uene mu ku ku langa, kʼàia dingi ku kilu.

⁴ Kidi-ze, ió Mulangi a Izalaiele ka koxila, ka zeka.

⁵ Jihova muene uene mu ku ku langa jinga; Jihova muene ua di bhanga kilembeketa kié, ua ku imanena ku mbandu ia madilu.

⁶ Dikumbi ki di ku kuama mu muanha, o mbeje ue ki i ku kuama mu usuku.

⁷ Jihova u ku xitila kuoso kuambe ku ku bhanga o phulu; muene u ku inga o muenhu ué.

⁸ Jihova u ku endesa mu kukatuka ni mu kubhikila, ni kiki ki uala, ni ku hádia kuoso ku uia.