Jisálamu 120 - O Mikanda Ikola

O Dimi Dia Phulu

Muimbu ua ngenji uia mu bheza.

¹ Mu kubhondalala kuami nga dikola kua Jihova, muene iú ua ngʼivu.

² Eie u Jihova, ngi kudile muenhu uami ku mizumbu i tanga makutu, ni dimi di zuela ima ia ufe.

³ Eie u dimi dia ufe, Muene u ku bhanga kiebhi? Kima kiahi kia ku bhana?

⁴ A ku ase kuala o dizonda ni misongo iatu; a ku te makala ma túbhia mauama.

⁵ Kokolo diami, eme ngi nzuángiza, nga mu nhunganena bhu Miseke; eme ngi mukua bhata mu jibalaka ja Kedale.

⁶ Muenhu uami ua xikama okulu kumoxi ni athu nguâ kutululuka.

⁷ Eme ngala kuinda paze, kuma ngi muthu ua kutululuka; maji ki ngila-phe ngi sota ngó kuzuela, ene andala jimvunda ni ita.