Jisálamu 12 - O Mikanda Ikola

Ngimba u Bhinga Nzambi ku Mu Bhulula ku Mangonha

Ua Mesene Ngimba; Mbimbi iê ia Xemenita. Mukumbi ua Davidi.

¹ Meia! u Jihova! kuma mujitu ua kambe; akua kitongola ka vulu muʼaxaxi ka anʼathu.

² Kala muthu u tanga makutu kua mukuá; mizumbu iâ ia kutobhesa ngó akuʼá; a zuela ni miẋima iiadi.

³ Jihova hinu u batula o mizumbu i bhomba kiki, ni dimi ue di zuela ni izala,

⁴ kuma ala kuila: Dimi dietu diene di tu mbolomona na-diu akuetu; tua dielela o mizumbu ietu, Ngana ietu nanhi muene?

⁵ Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

⁶ Maka ma Jihova ma kenzuluka; ma soko ni phalata iózunze bhu jiku; a i zunza lusambuadi katé iabhu o dixilu.

⁷ Eie-muène-phe, Jihova u kondeka athu é, eie-muène u a kudila ku muiji u kala kiki!

⁸ Mukonda iiala iabhumu ala kunama ku mbandu joso; a sekala ene a a zangeleka kukala ku kijingo.