Jisálamu 113 - O Mikanda Ikola

Muimbu Ua Kuximana o Jihenda Ja Nzambi

Ngana u zangeleka abatama

¹ Haleluia! Ximanenu, enu mu jiselevende ja Jihova, Ximanenu dijina dia Jihova.

² Dijina dia Jihova a di tumbule ni ki tualʼiki, ni ku hádia sé dizubhilu.

³ Tunde ku tundila o dikumbi, katé ku di tudila, dijina dia Jihova a di ximane.

⁴ Jihova ua jîngi, muene ngungu ia ifuẋi ioso; fuma iê ia di tudika ku diulu.

⁵ Kadi nanhi, u soka ni Jihova, Nzambi ietu? uala ni kiandu kiê bhu ditala dia di leka.

⁶ Maji u bhetama mu ku tala o ima i bhita ni mu diulu ni mu ngongo?

⁷ Ngadiama u mu zangula, ua mu sange ua fufuka ni mvindu; phulungu u mu zangeleka, ua mu katula bhu dixita.

⁸ Phala a mu xikamese ni anʼa jingana, xi, a mu bhane kididi kumoxi ni makota a jingana mu mundu uê.

⁹ U bhangesa kuila, muhatu ua kisula, uongeka dibhata, u kala kivadi, hé u sanguluka ni anʼê. Ximanenu Jihova!