Jisálamu 111 - O Mikanda Ikola

O Ikalakalu Ia Jihova Ia Matunda

Kuximana mbote ia Ngana.

¹ Haleluia! Ngi ximana Jihova ni muẋima uami uoso, bhu kionge kia athu, ni bhua bhongoloka o mundu.

² Ikalakalu ia Jihova ia makota muene, a i sota jinga kuala ió oso andala a ʼijiia kiambote.

³ O kukumbidila kuê ki kuene kufula.

⁴ Ikalakalu iê ia madiuanu ia xala muene fuma; Jihova ualenduka, u kuatela henda.

⁵ U bhana mbole ia kúdia kua ió a mu kala ni uoma; o kikutu kiê nuka ki mu jimba.

⁶ Nguzu iê ia kukalakala ua ʼidikiza ku mundu uê, mu ku a bhana o undundu ua matumbu.

⁷ Ufunu ua maku mê ua kidi ni kutetuluka; o ijila iê ioso ia ufiiele

⁸ I xalela muene sé dizubhilu, mukonda ki i xikina ku i jima katé ku hádia; kuma iene ioso ia sokela muene mu kidi ni kuiuka.

⁹ Ua tumu kukula o mundu uê, iu ua te-nâ o kikutu ki nangenena ki ki bhu; o dijina diê di kôla, di kuata uoma!

¹⁰ O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.