Jisálamu 110 - O Mikanda Ikola

O Unganga Ni Utuminu Ua Mexiia

Mukumbi ua Davidi.

¹ Jihova ua ki ambe kua Ngana HU iami, uixi: Xikama ku mbandu iami ia madilu, katé ki ngi ku bhanga o jinguma ji kala kibaka kié kia kutula inama.

² Jihova u ku tumikisa o mbasá ié ia nguzu tunde mu Ziione, uixi: Enda ni kutumina o jinguma jé.

³ Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

⁴ Jihova ua loka, ka ẋikina kualuluka, kuma eie uala u nganga inangenena, mukuâ ni unganga ua Melekizedeke.

⁵ Ngana ua ku imanena ku mbandu ié ia madilu, muene u kuama o jisobha, bhu kizuua kia njinda iê,

⁶ Muene u batula o milonga muʼaxaxi ka jixi, bhoxi bhuizala imbi, u bula-bula muene o mítue ia atumini mu ngongo ioso.

⁷ U nuina ku ngiji mu njila iê, anga uia ku pholo ni mútue ua bhetuka.