Jisálamu 1 - O Mikanda Ikola

DIVULU I ( Jisálamu 1—41 )

¹ Ua zediua o muthu ió ka ẋikina kuenda mu phangu ia iiala ia bhumu, kemana mu njila ia akua ituxi, ka xikama bhu nangu dia jisemenhi.

² Muene-phe o ngalasa iê u i sanga mu ngonge ia Jihova; o ngonge iê iene ia banza mu muanha ni mu usuku.

³ Muthu ió u kala mukuâ ni muxi uòphaphe bhu mbanduʼa honga ia menha, uenda ni kulukula jinga ibundu bhu thembu iê, o difue diê ki di lela ni di laúka; o kioso kia bhanga, ki tunda ni kubhanduluka.

⁴ Ió abhumu-phe ki kiene; maji a soka ni ibhiate i phephuluka ni kitembue.

⁵ Kala kiki, ió abhumu kà tena kuimana ku mulonga, mba akua ituxi mu kionge kia athu aiuka;

⁶ kuma Jihova uejiia njila ia athu aiuka; njila-phe ia athu abhumu ia kutexika.