Jisabhu 22 - O Mikanda Ikola

¹ Kota kukala ni dijina dia uabha o fenge, kuindi o kusola nzungule ia jimbongo; muthu o ku ku ximana ue kota, kuindi kúvua o umvuama ua phalata ni ulu.

² Ni mvuama ni ngadiama sai bhu a takanena; oko kiiadi kiâ Jihova muene ua a iudika!

³ Njimu kiluezu u ki muena mu kanga, anga u suamʼé kiá; ilalu-phe a lundujuka ngó, katé ki a bonga divuua.

⁴ O kuditolesa ni kuxila Jihova, futu iâ jimbongo, ni kijingo, ni muenhu.

⁵ Mu njila ia mukua ituxi muezala minha ni mabhèbhe; uoso-phe u kondeka o muenhu uê, kikale u bholoka muene dikanga.

⁶ Longa mona-ndenge mu njila ioso ia tokala o kuendela; katé kieza mu ku kuka, ka xikina ku i xisa, lémbue.

⁷ Mvama muene patalá ia jingadiama; mukua ku sobha muene selevende ia ió mukua kusobhesa.

⁸ Uoso u kuua usuéia, u bhongolola phulu; o ku pholo ku aia, a mu iokojola.

⁹ Uoso uene ni utalelu ua mbote, sai dibesá diê; mukonda u tena kutonginina o ngadiama, ni ku mu bhana kúdia.

¹⁰ Semenhi mu kaie, phala mvunda isuke; kuma muene ki aia, ni mulonga uabhu; ni kusonoka o pholo ue kuabhuku.

¹¹ Uoso u uabhela kuzela muẋima, anga u kala ni kuzuela kua kilendu, katé ni sobha muene u kala kamba diê.

¹² Mesu ma Jihova, ma tambula konda ia muthu ua tetuluka; maji o maka ma mukua phulu-phe, u a ta kavuanza.

¹³ Musònde uila: Bhu kanga bhuala hoje, nga vula kufuila mu nzuanga.

¹⁴ Dikanu dia muhatu uengi, mukuâ ni diela dia zongo; uoso a mu luualela kuala Jihova, muene ufua-mu.

¹⁵ Uôua ua nhenganana ku muẋima ua mona-ndenge; maji kabasa u bhita ku mbangala, phala ku mu longa, kindala ua u tula.

¹⁶ Uoso u bhondeleka o ngadiama, phala ku di bhanga muene, ni uoso u bhakuila o mvama, ki bhuala phata, hinu u biluka ngadiama.

Ngambi u ta maka ma tokala o uthu, ku maba-maba ma ku butisa

¹⁷ Bheteka mátui mê uividile o uanji ua jingambi, o muẋima uê-phe jikula-u u di longe unjimu.

¹⁸ Kuma maka-phe enhá kima kia mbote, se u ma lunda moxi dié, ene-phe a fuama kunanga ku mizumbu ié.

¹⁹ Phala uende ni kudielela jinga kua Jihova, kiene-phe ki nga mu ku longela-u lelu; ngi ku longa-u eie muene;

²⁰ Abha, eme ki nga ku sonekena ima ia ujitu ni uhete, ia tokala kioso ki kala o phangu ni ndongo,

²¹ phala ku ku tetuluila o maka ma kidi, o ki u ma tongolola, nda u tene ku a vutuila ni maka ma kidi oso a tuma ku ku ibhula?

²² O ngadiama kana ku mu nhana o kiê, mbata muene mukuenu ngadiama; o ki u kala bhu milonga, muthu uaia phulungu eie kana ku mu dia mangonha.

²³ Kuma Jihova ua-nda ku mu bhângela mvunda iê; oso-phe a mu bhundile kiki, muene ua kà a katula o muenhu.

²⁴ Mukua njinda, kana ku kala-nê ku kisangela, kana ue kuendela kumoxi ni uezala jimvunda, uthathamana kiavulu.

²⁵ Phala ku di longe o jinjila jê anga u labhula-mu o dibhèbhe hinu di kúdia o muenhu bhu xingu.

²⁶ Kana kuta kisangelu ni akua ku di bhana maku, mba u kala muʼaxaxe ka akua ku di ta ku ulemba ua kudia makongo.

²⁷ Kuma o ki u lémbua bhu u nomuena phala kufuta dikongo, phala hi ngó a ku tambula o hama ié ia kuzeka, nʼa ku tulula-ku?

²⁸ Kana kusondolola o jimbambe jʼokulu ja tele adiʼé.

²⁹ Eie ua mono muthu uala ni makidikidi mu kikalakalu kiê? Muenhó-phe hinu a-nda ku mu xikika bhu pholo ia jingana; ka tena ku mu tula ngó bhuamoxi ni athu ió a sebhuluka.