Jisabhu 20 - O Mikanda Ikola

¹ O vinhu i bheka ulaji, uálua ua lulu u bheka jinzaia; o uoso u di texila mu ima ienhiʼii, u biluka kiôua kia hatu.

² O njinda ia sobha, mukua ni hoji ki i dila; uoso u mu salumuna o njinda iê, ua di bhange-kiu, kuma ua di te o muenhu uê bhu kíbhidi.

³ Muthu o milonga u i lenga luelu, nʼu bongo o ujitu; maji o iôua-phe a j uabhela o ku di vubula mu jimvunda.

⁴ Musonde kia muila: dima-ze, uixi: Kuma kuala mbàmbi; o bhu thembu-phe ia kubhongolola idima, u di ta mu bhinga, maji u lémbua-ku.

⁵ O ixinganeku mu muẋima ua muthu, ia zonga kala menha; maji o muthu ua tetuluka-phe, iene ioso uia ni ku i tubhula ku kanga.

⁶ Avuluʼâ akua ku di-ta jinzabala, exi tu athu ambote; maji o muthu uala muene ni kitongola, mukua-hi muene ua mu bongo kiá?

⁷ Muthu ua iuka, uendela mu kuiuka kuê, ió kuzediua u ku xila anʼê, muene kia tunda-ku.

⁸ Sobha kia tulama ku kiandu kiê kia kufundixila, mesu mê mene ma zubha na-u o usuéia uoso.

⁹ Mukuahi muene u tena kuamba: Eme muẋima uami nga u ixika muene, nga zele muene, ki ngala ni kituxi?

¹⁰ O pezu ku kala luiadi, ni nzòngo ku kala luiadi, ima iiadi iii Jihova ua di zemba na-iu.

¹¹ Katé mona-ndenge a mu ijidila ku ima iê ia bhanga, se ia zele kiambote anga i iuka muene.

¹² Ni dítui di xikina o kuívua, ni diesu di xikina o kumona, Jihova muene ua bhange kiiadi kiâ.

¹³ O kilu kuende ni ku ki uabhela, phala ki mu ku ijiie uadiama; tona mesu, mbé uikute ni mbolo ia di xala.

¹⁴ Ngenji uila kia fumbu, kia fumbu, maji uila utula kuʼonzo iê, iu u di ximana uixi: Uenji nga u te.

¹⁵ Ulu sai, o phelu ja nzaji ue nzungule; maji o mizumbu ia di longo o unjimu, ioio mukua ni jôia ia fina.

¹⁶ Uoso uila o muthu ka muijiia u mu kalela ku ulemba, ió kizuatu kiêmuène ua-nda ku ki ta ku ungunji, mu kula o muthu uengi.

¹⁷ Muthu kiadia o mbolo ia kunhana mu mangonha, u ivua kutouala; maji kuejilʼuku, u tukumuka mu kanu mua muizala mbuelekese ja mavu.

¹⁸ Kaiula, kene ka fikidila kioso muthu kia kana ku bhanga; o ku loza ita, bhu kala muene unjimu.

¹⁹ Mukua kabódio u tungununa o kikutu; kienhiki-phe, eie dimuka, kana du di nhenga ni akua kuzela kiavulu.

²⁰ Uoso u xinga tatʼâ mba mamʼâ, mvela iê ia kà jima, anga u xalela mu kitombe ki bheka kikote.

²¹ O undundu, se ua u tambula ngó ni lusolo bhu diandekelu, o dizubhilu diê di kala dia uíndua.

²² Kana kuila: Ngi vutula phonzo kia ngi bhangʼiki; inda ua kinga Jihova, muene ua-nda ku ku bhulula.

²³ Pezu ki ji kale luiadi, kiókio kisunji kua Jihova; o jibalasa-phe ja mangonha kima kiaiibha.

²⁴ O mauendelu ma muthu-phe, Jihova u ma tambula konda; muthu-phe u tena kiebhi ku tongolola o njila iêmuène?

²⁵ O kuzuela kua kulundumuka, uixi: Nga ki tela Nzambi, o ki u zubha kubhana jipolomesa, anga u tangalala kiua ni ixinganeku.

²⁶ Sobha ia tetuluka, athu abhumuʼó u a jima mbutu, ni ku a bhitisa dilola ku thandu.

²⁷ O kitongoluelu kia muthu, kene o kandeia ka uika Jihova moxi dia muthu, mbé o ku mu tukuluila ioso ia suama kʼoxi dia muẋima.

²⁸ O kubhanga mbote ni kukaiela o kitongola, iene ima i fikidila sobha; o kiandu kiê ki di fikidila mu ubatuilu ua mbote.

²⁹ Makembu a minzangala, o kuvulanguzu; o kuuabha kua adiakimi, o jimvi mu mútue.

³⁰ Jifidila ja midimba ia kibetu, ji bhanga kiambote ku athu a bhumu, katé ni jihome ji a xila o kinduma mu mídia, jène jène ku a sungisa kilunji.