Jisabhu 19 - O Mikanda Ikola

¹ Ngadiama ua kambe mangonha uala kota ku ujitu, kuindi o semenhi ia dikanu ua di bhange o ndaxi.

² O uximba-phe ue, ua kukamba o unjimu ku muẋima, ua iibha; o mukua ku sakamesa inama iê ni kuenda, ka nange kuzanga.

³ Usemenhi ua muthu, uene u mu seluila o njila iê; o ku muẋima uê-phe, u tatela Ngana.

⁴ Umvuama u vudisa makamba, maji o ngadiama-phe a mu zemba katé ni kua kamba diê uene-nê kiá.

⁵ Mbangi ia makutu, katena ku di zula mu mulonga; o u tanga o makutu, ka tena kubhuluka.

⁶ Muthu uoso u bhanga jimbote, avulu a di uabhesa kua muene; kuma kadia muthu, kamba dia ió uoso u mu bhekela maujitu bhu maku.

⁷ Ngadiama, ni phange jê joso ji mu zemba; ku tange dingi o makamba mê, ma mu sanduka muene! Muene uila u a sota ni maka oso-oso, ene-phe usudi u a kuatʼâ!

⁸ Uoso u tambula unjimu, muenhó ua zolo o muenhu uê; uoso uongeka o kutetuluka, mbote u i mona.

⁹ Mbangi i julukala makutu ku milonga, sai kaxitiku kê; o mukua ku tanga makutu, u buika.

¹⁰ O kioua, muenhu ua ufina ki ua mu fuama; o mubhika, ku mu ta ku ukota ua kutumina ilamba, ki kia kufidila.

¹¹ Muthu uadimuka, ki mu bateka o njinda, o kutetuluka kuê; o kuloloka o itondalu ia akuâ, uene o ujingilu uê.

¹² Sobha, o ki muiza kutema, mukua ni muzonga ua hoji ia munzangala; o ki muiza kubhanga mbote, mukua ni dimume di tula ku kisasa.

¹³ Kilalu kia mona, u di bhanga dinhengena kua tatʼâ; o kutangelela kua muhatu mʼonzo ia kusakana, mukuâ ni inzo i kuata kunoka ni kumbomba ithangana ioso.

¹⁴ Muthu uene mu lundula onzo ni jimbongo ji mu xila o adiê; maji muhatu ua dimuka, kale Ngana u ku bhana-nê.

¹⁵ Usonde, u bheka kuia ku kilu kia muioko-ioko; maji o muthu-phe u kamba kututumba ni kukalakala, nzala i mu dia.

¹⁶ Uoso muthu uʼaluka kijila, muene ua zola o muenhu uê; maji uoso u landuka o mauendelu ma mu tokala, uafu.

¹⁷ Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

¹⁸ Mona u mu bazela, kioso kuila sai hanji kima kia kudielela-ku; maji kana ku mu bazela ni njinda katé ki u mu jibha.

¹⁹ Muthu mukua njinda iavulu, kale u mueha hanji nʼa bongo divuua; o ki uila u mu kula, mungu ua-nda ku mu kuiʼé dingi luamukuá.

²⁰ Xikina kaiula, o kia ku toza, ku te-bhu phata; phala o izuua ié ia sukidila-ku, uijiiie kuenda na-iu kiambote.

²¹ Mu muẋima ua muthu mua vula jiphangu, maji o kioso kia xindi kuala Jihova, kiene muene ki xalela.

²² Muthu ki mu bhangesa ku mu zola ku akuá, o kubhanga o mbote; maji ngadiama ua beta ujitu, ka soko ni mukua makutu.

²³ Uoma ua Nzambi, u bheka muthu ku muenhu; uoso uala-nau u ximbakata, ki bhuala kiaiibha kia bhita-na-kiu.

²⁴ Musònde, u sueka lukuaku luê bhu homba; o kieza ku lu ta mu kanu, uila kala kia mu ibhila.

²⁵ Ua beta o seletete, ni kiximba ua mu dimuna; bazela mukua kilunji, ua mu mone kia di longa kiua kiambote.

²⁶ Uoso u tatesa phaiʼâ, mba u kaiesa manhʼâ, mona ió u kuatesa sonhi, u bhekesa dilebhu.

²⁷ Eie monʼami, se uevu kia ku longo, ximbakata kiá; kana dingi ku kuata o kubhita bhu mbandu, ni kuxa o maka ma kuijiia.

²⁸ Mbangi ia Kadiaphemba, o ubatuilu ua iuka u mu kuatesa usudi; o dikanu dia athu abhumu, di kuuela ituxi ni milonga.

²⁹ Iiala ia bhumu, a xikamena hádia ku a fundisa; o jixikote, ja xikamena o dikunda dia maiôua.