Jisabhu 17 - O Mikanda Ikola

¹ Sembele kakúdia ka kukuta ni kutululuka, ki ngʼindi o nzungule ia jisata ja ibhaku mʼonzo, kumoxi ni jimvunda.

² Mubhika uala ni masunga, u tumina ni ku thandu dia monʼa ngana u bhanga ima ia jisonhi; undundu ua tokala jiphange, ni muene u tambula-ku dikanda.

³ Phalata a i tunguila bhu dizunzilu, o ulu a u tunguila bhu mbèmbu; maji Jihova muene mukua kutungula o miẋima ia athu.

⁴ Mukua kuhbanga phulu u bhana mátui ku mizumbu izuela kiaiibha; o mukua makutu u xamenesa mátui mê mu kuividila o dimi di tanga isunji.

⁵ Muthu uoso u tobhesa ngadiama, ua lokalala uoso ua mu bhanga; muthu uoso u sanguluka mukonda dia mukuá ua bhituka mu jiphaxi ja zongo, muenhʼô sai kaxtiku kê.

⁶ Athu a kuka, kitundu kiâ o aláula; o kijingu kia ana-phe, o jitata.

⁷ Maka ma uhete, kene ku a tela kiôua; o makutu, kene ku a tela muadiakime.

⁸ Oso a a tambula diminhinu, dienhidi mbambe ni diiamande kua ene; kuoso-kuoso kua di tela, di a bhandulula.

⁹ Uoso u vungina o itondalu ia akuá, ua-lu di sotela ukamba; maji uoso u vulumuna o maka ma bhiti kiá, ió u muangesa athu a di zola kiavulu.

¹⁰ Kibazu kimoxi kia tula ku hete, ki mu bokona kinéne mu muenhu; hama ia jixikote ndenge, ja tula ku kiôua.

¹¹ Muthu ua bhumu, kífua kiê o ku kituka; ki bhinga-phe ku mu katuila kiiala kia suína, muene u mu toza.

¹² Muthu sembele o ku di bonga ni kitôto kia mukaji, kia jimbidisa o tuana, kuindi o ku di bonga ni kiôua ki muiza o ulaji uê.

¹³ Muthu uoso u vutula o phulu kua mu bhange o mbote, ió uíndua mʼonzo iê ki mungu dingi ubhua-mu.

¹⁴ Mvunda bhu iandekela, mukua n: kubula mumba ua menha; tula-phe o ku di ẋokuesa ni mukuenu, kiosuiki mvunda kiluua ibambuka.

¹⁵ Moxi o muthu u lungisa o kisuéia, kadi o muthu uelêsa o muiuki, kiiadi kiá k muene, Jihova ua di zemba-nâ.

¹⁶ O muene-phe kiôua, bhu maku mê u bhelaʼhi ngó suilu ia kitadi mu kusumba o unjimu, se muene ka moneka kilunji?

¹⁷ Dikamba u zola mu thembu joso; o ndandu u di monekena mu jiphaxi.

¹⁸ Muthu ua kamba kilunji, u zangula lukuaku luê, anga u di tambulula ulemba ua mukuá.

¹⁹ Uoso ua uabhela kuzoka, ua uabhela ikuma; o uoso u leka kinéne o muelu uê, ua mu sota kusenguluka.

²⁰ Mukua muẋima ua dianguka, ka tena ku mona mbote; o mukua uzuelelu ua luiadi, hádia u di bhala mu kiluezu.

²¹ Uoso u vuala kiôua, ua di bhekela lamba; mukonda tata ia vuala dilaji, ka tena kusanguluka.

²² Muẋima ua sanguluka, u di bhanga milongo ia mbote mu mukutu ua muthu; maji o muẋima-phe ua budika ni dilamba, u kukutisa ifuba.

²³ Mukua phulu u tambula diminhinu mu kasuèkele, mbé kubilula kidi kioso kia uanji ua kubatula kiambote o dimanda bhu milonga.

²⁴ Unjimu ua mukua kilunji u di monekena bhu pholo iê; maji o mesu-phe a kiôua, a takujuka ngó makanga ni kukengelela ku mikáu iahatu kai; uandala kutala kua suku oxi.

²⁵ Mona ua dilaji u bheka dilamba kua tatʼâ, hé u ludisa o muẋima kua mamʼâ ua mu muesa o dikumbi.

²⁶ Muthu ua mbote, o ku mu bhanga kiaiibha, kikôla! O jingana ue ki kia a fuama kuhohesa muthu u bhanga kia iuka, mukonda dia kuiuka kuê.

²⁷ Muthu uoso mu kuzuela kuê maka uia ni ku a fikisa, ió muene o njimu; o muthu u kala ni muẋima ua tululuka, iò uala ni kilunji.

²⁸ O muthu né-mbe kiôua, a kia di xihba a mu kita njimu; exi ua di xibhidila ki kiôua, se ua jika muene o mizumbu iê.