Jelemiia 30 - O Mikanda Ikola

Nzambi u kanena ku katula mundu uê ku ubhika

¹ Kizuelu kia tundu kua Jihova kí kieza kua Jelemiia, kuila:

² Jihova, Nzambi ia Izalaiele, ua zuela kiki, uixi: Maka oso u ngene ku ku tangela, soneka-u mu divulu.

³ Mukonda kua-nda kuiza izuua, eme ngi Jihova, nga-nda ku vutulula ubhika ua kifuxi kiami kia Izalaiele ni Juda, eme ngi Jihova, anga ngi tona dingi ku a bheka mu ixi i nga bhele ku jitata jâ, anga a ívua, i kala iâ.

⁴ Enhá ene o maka a tange Jihova ku mbandu ia Izalaiele ni Juda.

⁵ Mukonda Jihova uambe kiki: Tuevu mbimbi ia kuteketa, ia Uoma-phe, ki ia kutululuka, kana.

⁶ Ibhulenu-phe, mu mone, se diiala u kala ni mika ia kuvuala. Phalaʼhi-phe nga lu mona mala oso a di kuata maku mu miongo kala muhatu ua-nda kutula mona bhoxi? Abha phalaʼhi, pholo joso ja kituluka ni ku di suuata?

⁷ Ahi Mukonda kizuua kiókio kia kudilá-ku kinéne, katé ki kiala ni mukuá a soko-nê! Thembu iii ia mukondo phala Jakobo; maji-phe ku mukondo uenhó, muene ue a-nda ku mu bhululʼé.

⁸ Kuma, Jihova dia Ifuẋi, uixi: Mu kizuua kienhokio, kiene ki nga-nda kua ká bukula o jungu ia ku kala ku thanduʼa xingu ié, ophi ié nga-nda kua kà i bukula; ki mungu dingi akuaʼxi iengi a kà bhanga abhika o kifuxi kiki,

⁹ maji a kà bhikila Jihova, Nzambi iâ, ni Davidi, sobha iâ, nga-nda ku a balumuina-nê.

¹⁰ Ku kale-phe ni uoma, eie mubhukʼami Jakobo, Jihova ua ki tange, eie ue Izalaiele, kana kusasumuka; kuma, tala, nga-nda ku ku bhulula ku jixi ja makanga, ni muiji ué ku ixi ia uhutile uê; anga Jakobo ua kà vutuka dingi, hé ua kà nhoha, ua kà kala muene bhua kondama; ki bhua kà kala u mu kuatesa uoma.

¹¹ Mbata eme ngala kumoxi nʼeie, phala ku ku bhulula, Jihova ua ki tange; mukonda miji ioso mu nga ku muangena, nga-nda ku a bhana o zubhilu diâ; maji eie-phe, ki nga-nda ku ku zubhidisa, suke nga-nda ku ku bhana ue kaxtiku ké mu kizongelu kia fuama, kuma eie muene ue, ki ngi ku mono ni kukala kidi u muthu ua bene.

¹² Mukonda Jihova uambe, uixi: Uhaxi ué, ki u xikina ku u saka; o fidila ié iia ni kuxixima.

¹³ U ku zokelela ku mulonga ué, ka moneka, mbé nʼa ku kutu o jifidila; kuala ni milongo i tena ku ku saka.

¹⁴ Ene oso u ua kexile-nâ ku usai, a ku jimbi kiá, ene ue eie ka mu ku kuibhula dingi; mukonda nga ku kuama ni kituezu kia nguma, nga ku bhana kaxtiku ka kisuéiea, mukonda dia unéne ua ku ibha kué, ni nzungule dia ituxi ié.

¹⁵ U di kolelaʼhi mukonda dia kiioko-ioko kié? Misusu ié ia kalunga. Mukonda-phe dia ku ibha kué kua vulu kinéne ni jinzungule ja ituxi ié, kiene ki nga bhangela ima ienhiʼii.

¹⁶ Maji oso-phe a kúdia eie, ene a-nda kua kà diua uâ; o jinguma jé joso a-nda kuia ku ubhika ene oso; oso a ku nhana eie ene a-nda ku a nhana ue; oso a ku bhunda eme ue nga-nda ku a bhakula mu kubhunda kuene.

¹⁷ Mukonda o kudisanza kué nga-nda ku ku vutuila-ku anga ngi saka o itoto ié, eme ngi Jihova, kuma ala ku kuixana: Na kahukunhu, ni kuila exi: Na Ziione, mukonda ka moneka dingi muthu u muʼibhula.

¹⁸ Jihova uambe, kiki, uixi: Tala, uhutile ua jibalaka ja Jakobo ngi u bhuisa-ku, anga mabhata mê ngi ma kuatela henda; o mbanza iê a kà i tunga dingi ku thanduʼa ibhela iê iòkulu, o dizemba dia sobha dia kà kala kala ki dia kexile jinge.

¹⁹ Mu kaxi kâ mu tunda jinga diximanu ni mbimbi ia kusanguluka; nga-nda ku a sokolola muene, ka seluka kana, anga ngʼa zangeleka, ka kala ni mukondo.

²⁰ Hé tuana tuâ tua kèla kala mu jithembu ja xahulu, o kionge kiâ kia kà di fikidila muene bhu pholo iami, hé ngi bhana kaxtiku kua ene oso a muia ni ku a bhondeleka.

²¹ Kota diâ dia ngana ua kà tunda momuʼâ, o uoso ua-nda ku a tumina, ua kà tunda mu kaxi kâ muene, nda eme ngi mu zukamesa; o muene nʼa kà bhixila kokuami; kuma muthu nanhi u sota mudiê ku ngi bhixila eme? Jihova uzuelʼó.

²² Enu-phe mua kà kala mu mundu uami, eme nga kà kala ngi Nzambi ienu.

²³ Tala, kibhungu kia Jihova o njinda iê ia tundu, ia di bhange kibhungu kiia ni ku komba, ia kà sonoka ni usuéia ku thandu dia mútue ua oso a bhanga kiaiibha.

²⁴ Ki ia kà vutuluka kuema, o njinda ia kutema kua Jihova, katé ki ia kà zubha ku bhanga ni ku kumbidila ioso ia muʼindi muẋima uê; kienhiki, ku zubhilu dia izuua, kia-nda ku mi tombolokela kiambote.