I Nzuá 1 - O Mikanda Ikola

Diambu dia Muenhu mu mukutu ua xitu

¹ Tua mi sonekena o kima kia kalé tunde ku dimatekenu dia mundu, o Diambu diene dia muenhu. Etu tua dʼivua, tua di mona ni mesu etuʼèlele muene. Ni kidi muene, etu tua di tongolola, tua di babata ni maku metu.

² O muenhu uenhú kioso ki ua tukuluka, etu tua u mona. Kiene kia tu bhekela o ku u bhela umbangi, etu tua mi tudila o Njimbu iê kuila o Muenhu ki Uàbhua, ua kexile kua Tata, kiki ua tu tukulukila.

³ O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

⁴ Imʼiii tua mi sonekena-iu, phala tu kale ni kusanguluka kua tenena.

Nzambi mukengeji. Kuenda mu mukengeji. Kufisala ituxi

⁵ Iii iene o Njimbu i tuevu kua muène Kristu, i tua mi tudila enu, kuma: Nzambi mukengeji, o mua muène ki muene ngó kuvunda,

⁶ Kala kiki, se tuambe kuma tuala mu ukamba ni Nzambi, anga tu enda mua vundu, tua tange makutu, ki tuala kubhanga imbamba ia kidi.

⁷ Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

⁸ Se tuedi tuixi ki tu moneka ituxi, tua di nganala etuene, o moxi dietu ki muala kidi.

⁹ Maji se tu fisala o ituxi ietu kua Nzambi, muène fiiele, u kumbidila o kizuelu kiê hé u tu bhanga kioso kia fuama: U tu loloka o ituxi ietu, hé u tu ixika o mangonha moso.

¹⁰ Se tuedi tuixi ituxi ki tuala na-iu, Nzambi tua mu kuatesa makutu, o maka mê kala moxi dietu.