I Malunda 8 - O Mikanda Ikola

Atokala ku muiji ua Bejamí ni ua Saúlo

¹ O Bejamí ua vuala Bela, dia phande-kumbi iê, ku kua kaiela Azebele, kú kueza Ahala, muene katatu.

² Kauana Noua, katanu Lafa.

³ Bela uakexile ni ana enhá: Adale, Ngela, ni Abihude,

⁴ ni Abisuua, ni Nahamane, ni Ahoua.

⁵ Ni Ngela, ni Sefufane, ni Hulane.

⁶ O iá ene o ana a Ehude: Enhá akexile atumini a jitata ja tungile mu Jeba, ia a a balakala ku Manahate.

⁷ Uambata ue Nahamane ni Ngela, iú ua vuala Uza ni Aihude.

⁸ Suhalaíme kioso kia zubha kusenga ahatuʼê Husime ni Bahala, ku ixi ia Mouabhe, uavuala ana a mala, ni muhatuʼê Honde:

⁹ Ene a Jobabe, ni Nzibiia, ni Meza, ni Malakane.

¹⁰ Ni Jehuze, ni Sekiia, ni Mídima enhá ene anʼê akexile atumini a jitata mu madianda a kuvuadiua kuâ.

¹¹ O Husine uavuala-nê Abitube ni Elipahale.

¹² O ana a Elipahale enhá: Ebele, ni Misame, ni Samede. O muenhú muene uatungisa Ono ni Lode ni ididi ioso ia tusanzala tua utuminu uê.

¹³ Ni Bediia ni Sema akexile ene o mítue ia jitata ja jifamídia ja iá a tungile mu Ahijalone; Enhá ene a kaiesa o mundu ua tungile mu Ngate.

¹⁴ O Ahiiu, ni Sasake, ni Jelemote,

¹⁵ ni Zebadiia, ni Alade, ni Edele,

¹⁶ ni Mikaiela, ni Ixipa, ni Joha, ene ana a Bediia.

¹⁷ O Zebadiia, ni Mezulame ni Hizeki, ni Hebele,

¹⁸ ni Ijimelai, ni Ijiliia, ni Jobabe, iá ana a Elipahale.

¹⁹ Ni Jakime, ni Zikidi, ni Zambidi,

²⁰ ni Eliienai, ni Ziletai, ni Ediiele,

²¹ ni Adaia, ni Belaia, ni Similate, iá ana a Simei.

²² Ni Ijipane, ni Hebele, ni Ediiele,

²³ ni Abidone, ni Zikidi, ni Hanane,

²⁴ ni Hananiia, ni Elame, ni Anatotiia,

²⁵ ni Ifidiia, ni Penuuele, ana a Sasake.

²⁶ O Sanzelai, ni Seiadiia, ni Ataliia,

²⁷ ni Jahaleziia, ni Ilija, ni Zikidi, ana a Jelouame.

²⁸ Enhá ene akexile atumini ku jitata mu kutunga kua miji iâ, enhá ene a tungile mu Jeluzaleme.

Akua Bejami mu Ngibiione ni mu Jeluzaleme

²⁹ O mu Ngibiione muene mua tungile tata ia Ngibiione; o dijina dia muhatuʼê Mahaka.

³⁰ O monʼê ua phande-kumbi dijina diê Abidone; kú kua kaiela Zule, ni Kixi, ni Bahale, ni Nadabe,

³¹ ni Ngedole, ni Ahiiu, ni Zekele,

³² ni Mikelote ua vuala Simeia; enhá a tungile ue mu Jeluzaleme bhua dizukama kumoxi ni jiphange jâ.

³³ O Nele ua vuala Kixi, o Kixi ua vuala Saúlo; o Saúlo uavuala Jonata, ni Malekisuua, ni Abinadabe, ni Eze-Bahale.

³⁴ O mona a Jonata muenhú: Medibe-Bahale; o Medibe-Bahale uavuala Mika.

³⁵ O ana a Mika, enhá: Pitone, ni Meleke, ni Taleia, ni Akaze.

³⁶ Akaze-phe ua vuala Johȧda, o Johada uavuala Alemete, ni Azamavete, ni Nzidi; o Nzidi ua vuala Moza.

³⁷ O Moza uavuala Bina, uavu monʼê Elasa, uavu monʼê Azele.

³⁸ Azele uakexile ni kisamanu kia ana a mala, o majina mâ menhama: Azelikane, ni Mbokulu, ni Ijimaiele, ni Sehadiia, ni Obadiia, ni Hanane; ene oso enhá akexile ana a Azele.

³⁹ 0 ana a Ezeke, phangʼiê, enhá: Ulane, o phande-kumbi iê, Jehuze ua kaiela, ni Elifelete ua katatu.

⁴⁰ O ana a Ulane akexile mala a mazonda oso, atolodi alua jinga kiambote ni mifula, akexile ni ana avulu a mala ni alulu ni aláula, hama ni makuinhi a tanu a muthu. Ene osoʼâ-phe akexile ana angene a Bejamí.