I Malunda 6 - O Mikanda Ikola

Atokala ku muiji ua Levi ni ukunji uâ

¹ O ana a Levi enhá: Ngelexone, Kohate, ni Meladi.

² O ana a Kohate enhá: Halane ni Izahale, ni Hebolone, ni Uziiele.

³ O ana a Halane, Alá ni Mozé, ni Midiiana. O ana a Alá: Nadabe, ni Abhihú, ni Eleiazale, ni Itamale.

O muiji ua Alá

⁴ O Eleazale uavuala Finéia, o Finéia uavuala Abisuua,

⁵ o Abisuua uavuala Buki, o Buki uavuala Uzi,

⁶ o Uzi uavuala Zelaia, o Zelaia uavuala Melaiote,

⁷ o Melaiote uavuala Amadiia, o Amadiia uavuala Aitube,

⁸ o Aitube uavuala Zadoke, o Zadoke uavuala Ahimaze,

⁹ o Ahimaze uavuala Azadiia, o Azadiia uavuala Johanane,

¹⁰ o Johanane uavuala Azadiia. Muenhú muene uendesa kiambote o unganga ua Tembulu, Solomá ia tungile mu Jeluzaleme.

¹¹ O Azadiia uavuala Amadiia, o Amadiia uavuala Aitube,

¹² o Aitube uavuala Zadoke, o Zadoke uavuala Salume,

¹³ o Salume uavuala Hilikiia, Hilikiia uavuala Azadiia,

¹⁴ o Azadiia uavuala Selaia, O Selaia uavuala Jozadake.

¹⁵ O Jozadake anga a muambata ku ubhika kioso Ngana kiambata Juda ni Jeluzaleme ku uhutile, bhu lukuaku lua Nabukodonozolo.

O muiji ua Levi

¹⁶ O ana a Levi enhá-phe: Ngelexone, Kohate ni Meladi.

¹⁷ O ana a Ngelexone majina mâ enhá: Libini ni Simei.

¹⁸ O ana a Kohate: Halane ni Izahale, ni Hebolone ni Uziiele.

¹⁹ O ana a Meladi; Mahedi ni Muxi; enhá ene o majiku a jilevita kala kia a vuala mu utata uâ.

²⁰ Kua Ngelexone: Libini, monʼé. Jahate, monʼê Zima, monʼê,

²¹ Joua, monʼê Ido, monʼê Zela, monʼê Jehatelai, monʼê.

²² O ana a Kohate, enhá: Aminadabe, monʼê, Kola, monʼê Asile, monʼê.

²³ Elekana, monʼê Ebiiazafe, monʼê, Asile, monʼê,

²⁴ Tahate, monʼê Udiiele, monʼê Uziia, monʼê, Saúlo, monʼê.

²⁵ O ana a Elekana: Amasai, ni Ahimote.

²⁶ Mu kutanga Elekana, o anê enhá: Zofai, monʼê ni monʼê Nahate,

²⁷ Monʼê Eliiabe, monʼê Jelohame, ni monʼê Elekana.

²⁸ O ana a Samuuele: Vazini, o phande-kumbi iê, o kaiadi Abiia.

²⁹ O ana a Meladi: Mahedi, monʼê Libini, monʼê Simei, monʼê Uza,

³⁰ Monʼ ê Simeia, monʼê Haziia, monʼê Azaia.

O jingimba ja kuimba mu akua Levi

³¹ Enhá ene a a-te kuala Davidi, ta ufunu ua kuimbila mʼonzo ia Ngana, kioso o álaka ki ia sange kiá o kididi kia dinhohenu.

³² Ene ia a kexile ni ufunu uenhú ua kuimba bhu pholo ia Kalatódio mu balaka ia kubhongolokela katé Solomá kia tungu o Tembulu ia Ngana mu Jeluzaleme; ia a kexile, ni kífua kienhiki mu ukunji uâ, kala kia a tendelela o kubhanga jinga.

³³ Enhá-phe ene akexile muenhomo kumoxi ni anʼâ. Ku ana a Kohate: Hemane, o muimbidi, monʼa Jouele, mona a Samuuele,

³⁴ mona a Elekana, mona a Jelouamu mona a Ediiele, mona a Toua,

³⁵ mona a Zufe, mona a Elekana, mona a Mahate, mona a Amasai,

³⁶ mona a Elekana, mona a Jouele, mona a Azadiia, mona a Sofoniia,

³⁷ mona a Tahate, mona a Asidi, mona a Abiazafe, monʼa Kola,

³⁸ mona a Izahale, mona a Kohate, mona a Levi, mona a Izalaiele.

³⁹ O phangeʼiê Asafo uakexile ku kadilu kê; O Asafo ua kexile mona a Belekiia, mona a Simeia,

⁴⁰ mona a Mikaiela, mona a Bahaseia, mona a Malekiia,

⁴¹ mona a Etini, mona a Zela, mona a Adaia,

⁴² mona a Etane, mona a Zima, mona a Simei,

⁴³ mona a Jahate, mona a Ngelexone, mona a Levi.

⁴⁴ O jiphange jê, ana a Meladi, akexile ku kiasu, enhá: Etane, mona a Kixi, mona a Abidi, mona a Maluke,

⁴⁵ mona a Hasabiia, mona a Amaziia, mona a Hilikiia,

⁴⁶ mona a Anzi, mona Baní, mona a Semele,

⁴⁷ mona a Mahedi, mona a Muxi, mona Meladi, mona a Levi.

⁴⁸ O jiphange jê, o jilevita, a a tele ku ukunji uoso ua balaka ia kubhongolokela ia inzo ia Nzambi.

O muiji ua Alá

⁴⁹ O Alá ni anʼê ene akexile mu kuoha o ima ioso ia mazumba ku thandu dia Kalatódio ka jisata ja kuoha, ni ku thandu dia Kalatódio ka uasu ua dizumba phala o kikalakalu kioso bhu kididi kikôla kinéne, mbé kubhangesa o sata ia kiamenga ia kubonza Izalaiele, kala kioso kia tumu Mozé selevende ia Nzambi.

⁵⁰ O ana a Alá enhá: monʼê Eleazale, monʼê Finéia, monʼê Abisuua,

⁵¹ monʼê Buki, monʼê Uzi, monʼê Zelaia,

⁵² monʼê Melaiote, monʼê Amadiia, monʼê Aitube,

⁵³ monʼê Zadoke, monʼê Ahimaze.

O jimbonge ni mabhata ma akua Levi

⁵⁴ Enhá ene o mabhata mâ mua tungile jinge ni jimbonge jâ mu jimbambe jâ, kala kia ejiia. Ku ana a Alá ku majiku ma akua Kohate, mukonda o Sorte ia buila kua ene,

⁵⁵ a a bhana-phe o mbonge ia Hebolone, mʼoxi ia Juda, ni mu jimbandu jê joso ja kondoloka.

⁵⁶ Maji-phe o mikáu ia dibhata, ni jisanzala jòfele jala mu jimbandu, a ji bhana Kalebe, monʼa Jefune.

⁵⁷ O ana a Alá a a bhana kutunga mu jimbonge ja kulengela, jenhiji: Hebolone, ni Libina, ni mu ikanzu iê ioso, ni Jatile, ni Jitemoua ni mu ikanzu iê ioso mu jimbandu jâ,

⁵⁸ ni Hilene ni ikanzu iê ioso mu jimbandu jâ, ni Ndebile ni ikanzo iê ioso mu jimbandu jâ,

⁵⁹ ni Asane ni ikanzo iê ioso mu jimbandu jâ, ni Beteseme ni ikanzo iê ioso mu jimbandu jâ.

⁶⁰ O ku muiji ua Bejamí, Ngeba ni ikanzu iê ioso mu jimbandu jâ, ni Alemate ni ikanzu iê ioso mu jimbandu jâ, ni Anatote ni ikanzu iê ioso mu jimbandu jâ. Mabhata mâ moso, ku majiku-majiku mâ, mu ku a vuala kuâ, matena kuinhi ni kitatu kia mabhata.

⁶¹ Maji o ana a Kohate amukuá, a subhuka ku jifamília ja muiji mu kibhuku kiâ, atambula dikuinhi dia mabhata, ku mabhata atokala akua muiji ua Efalaime ni muiji ua Dane ni muiji ua Manasa.

⁶² O ana a Ngelexone, mu ku a tanga ku jifamília jâ atambula ku muiji ua Isakale, ni ku muiji ua Asele, ni ku muiji ua Nafitale, ni ku muiji ua Manasa, mu Asane, kuinhi dia mabhata ni kitatu.

⁶³ O ana a Meladi, mu kua a tanga ku jifamília jâ, a a bhana ku muiji ua Lubene, ni ku muiji ua Ngade, ni ku muiji ua Nzebulone, mu kuvuadiua kuâ, axala ni kuinhi dia mabhata ni mabhata aiadi.

⁶⁴ Kienhiki ana a Izalaiele a bhana mabhata enhá ku akua Levi ni ikanzo iê ioso mu jimbandu jâ mbé o kudisila o ibhaku iâ.

⁶⁵ Mu kuzediua kuâ a a bhana o mabhata enhá a tokala ku muiji ua Juda, ni ku muiji ua ana a Ximinhá, ni ku muiji ua ana a Bejamí, ene ia a luku o majina mâ.

⁶⁶ O ku ima iamukuá, o jifamília ja mukuá ja anʼa Kohate, a a bhana o mabhata mâ mu jixi ja tungu akua muiji ua Ifalaíme.

⁶⁷ Mbata a a bhele o mabhata a jimbonge ja disuamu jiji, Xikeme ni ikanzu iê ioso mu jimbandu jê ku milundu ia Efalaime, kala ue Ngezele ni ikanzu iê ioso mu jimbandu jê.

⁶⁸ Ni Jokemeiame ni ikanzu iê ioso mu jimbandu jê, ni Bete-Helone ni ikanzu iê ioso ia madilu a ibhaku mu jimbandu jê.

⁶⁹ Ni Ahijalone ni ikanzu iê ioso ia madilu a ibhaku mu jimbandu jê, ni Ngate-Dimone ni ikanzu iê ioso ia madilu a ibhaku mu jimbandu jê.

⁷⁰ O ku kaxaxe ka muiji ua Manasa, akatuala-ku Anele ni ikanzu iê ioso ia madilu a ibhaku mu jimbandu jê, ni Mbidiiane ni ikanzu iê ioso ia madilu a ibhaku mu jimbandu jê. Mabhata oso enhá ene a bhana ku ana a Kohate, a subhuka ku majiku a jifamília joso ja anʼa Kohate.

⁷¹ O ana a Ngelexone a tambula ku jifamília ja kaxaxe ka muiji ua Manasa, o mabhata ma Ngolane, mu Basane, ni ikanzu iê ioso ia makêla ma ibhaku mu jimbandu jê, ni Astalote ni ikanzu ié ioso ia makêla ma ibhaku mu jimbandu jê.

⁷² O ku muiji ua Isakale, a a bhana Kede, ni ikanzu iê ioso ia makêla ma ibhaku mu jimbandu jê, ni Dambelate ni ikanzu iê ioso ia makêla a ibhaku mu jimbandu jê,

⁷³ ni mbonge ia Lamote ni jimbandu jê joso, ni ia Aneme, ni jimbandu jê joso.

⁷⁴ O ku muiji ua Asele, a a bhana o mbonge ia Masale ni mavu oso mu jimbandu jâ, ni Abidone ni mavu oso mu jimbandu jâ.

⁷⁵ Ni Hukuke, ni mavu oso a kala mu jimbandu jâ, ni Lehobo ni mavu oso a kala mu jimbandu jâ.

⁷⁶ O Ku muiji ua Nafitali a a bhana Kede mu Ngalileia ni mavu oso mu jimbandu jâ, Hamone ni mavu oso mu jimbandu jâ. Kidiataíme ni mavu oso mu jimbandu jâ.

⁷⁷ Asubhuka ku ana a Meladi ku muiji ua Nzebulone a a bhana-ku o mbonge ia Dimono ni mavu oso akala mu jimbandu jê, mbé o makêla a ibhaku, ni Tabolo ni mavu ê oso a mu kala mu jimbandu jê, phala o makêla a disila ibhaku.

⁷⁸ O ku sámbua dia Njolodá, ku mbandu ia Jedikó, ku thunda ia Njolodá ku mutundila-kumbi, ku muiji ua Lubene, a a bhana o mbonge ia Mbezele, mu kikangalakata ni mavu ê oso a mu kala mu jimbandu jê, ni ia Jaza ni mikáu iê ioso mu jimbandu jê, mbé o makêla a kudixila o ibhaku.

⁷⁹ Ni Kedemote ni mikáu iê ioso mu jimbandu jê, ni Mefahate ni mikáu iê ioso mu jimbandu jê, mbé o makêla a kudixila o ibhaku.

⁸⁰ Ni ku muiji ua Ngade, a a bhana Lamote, mu Ngiliiade, ni mikau iê ioso mu jimbandu jé, ni Mahanaíme ni mikáu iê ioso mu jimbandu jê, phala o makêla a kudixila o ibhaku.

⁸¹ Ni mbonge ia Hexebone, ni mikáu iê ioso mu jimbandu jê, ni Jazele, ni mikau iê ioso mu jimbandu jê, phala o makêla a kudisila o ibhaku.