I Malunda 2 - O Mikanda Ikola

O ana Kiiadi a Jakobo, ni iá atokala ku muiji ua Juda

¹ Enhá o ana a Izalaiele: Lubene, Ximinhá, Levi, Juda, Isakale ni Nzebolone.

² Dane, Zuze, Bejamí, Nafitali, Ngadi ni Asele.

³ O ana a Juda, enhá: Hele ni Onane, ni Selá; ene kitatuʼiki ua a vuala ni mona a Zuua mukua Kanana; O Hele, phande-kumbi ia Juda, uakexile muthu ua iibha ku pholo ia Ngana, kia bhangesa Ngana o ku mu jibha.

⁴ O Tamale-phe dia mukaje-a-monʼê ua mu vualela Peleze ni Zela; Ana oso a Juda a kexile kitanu.

⁵ O ana a Peleze enhá: Hezelone ni Hamule.

⁶ O ana Zela: Nzidi, ni Etane, ni Hemane, ni Kalekoli ni Ndala; ene oso a tena kitanu.

⁷ O ana a Kálumi enhá: Akele o muzukutixi ua Izalaiele, ua-te ituxi mu ima iòkoleke kuma iòbhubhidile.

⁸ O monʼa Etane, muenhú: Azadiia.

⁹ O ana a Hezelone, a mu vualela, enhá: Jelamele, ni Lame ni Kilubai.

¹⁰ O Lame u vuala Aminadabe; O Aminadabe u vuala Nasono, o kilamba kia ana a Juda.

¹¹ Nasono, u vuala Salama, o Salama u vuala Bouaze.

¹² O Bouaze u vuala Obede, o Obede u vuala Jese.

¹³ O Jese u vuala Eliiabe phandekumbi iê, ni Aminadabe, o mona ua kaiadi, ni Ximeia, o mona ua katatu.

¹⁴ Netanaiele ua kauana, Ladai ua katanu.

¹⁵ Ozeme ua kasamanu, o Davidi ua kasambuadi.

¹⁶ O jiphange jâ ja ahetu, Zeluia ni Abikaíle: O ana a Zeluia enhá: Abisai ni Jouabe, ni Azaiele, kitatu.

¹⁷ O Abikaile uavualele Kamasa; O tata ia Kamasa, Jetele, mukua Ijimaiele.

¹⁸ Kalebe, mona ua Hezelone, uvuala ana kua Azuba, muhatuʼê, ni kua Jediote; O ana a muenhú, enhá: Jezele, ni Sobabe, ni Aledone.

¹⁹ Azuba hé ufua; Kalebe hé u sakana ni Efalata anga u vuala-nê Hulu.

²⁰ O Hulu u vuala Udi, O Udi u vuala Bezalele.

²¹ Hezelone-phe kiala kiá mu makuinhi a samanu a muvu, u tambula mona a Makidi tata ia Ngiliiade, u sakana-nê anga uvuala Sengube.

²² O Sengube u vuala Jaíle; muenhú u kala ni makuinhi aiadi a jisanzala ni jitatu mu ixi ia Ngiliiade.

²³ O Ngesule ni Alá a tambula o mabhata ma Jaíle ni Kenata ni ididi iâ, makuinhi a samanu a mabhata. Ene oso-â-phe ana a Makidi, tata ia Ngiliiade.

²⁴ Kiafu Hezelone, mu kubhanga kithangana, mu Kalebe ka Efalata, Abiia, mukaji a Hezelone, u vuala Asule, tata ia Tekoua.

²⁵ O ana a Jelamele, phande-kumbi ia Hezelone, enhá: Lame phande-kumbi iâ, Buna, ni Oleme, ni Uzene, ni Ahija.

²⁶ Jelamele ue uakexile dingi ni muhatu uamukuá, dijina diê Atala; iú muene mama ia Onano.

²⁷ O ana a Lame, phande-kumbi ia jelamele: Musa ni Jamine, ni Hekele.

²⁸ O ana o Onano enhá: Samai ni Juda. O anʼa Samai: Nadabe, ni Abisule.

²⁹ O dijina dia muhatu a Abisule Abiiale, a vuala-nê Abahe ni Molide.

³⁰ Ana a Nadabe, enhá: Selede ni Apaíme. Selede-phe anga ufua se kuxisa ana.

³¹ O mona a Apaíme muenhú: Izi. O monʼa Izi: Sezane. O monʼa Sezane: Alai.

³² O ana a Jada, phange ia Samai, enhá: Jetele ni Jonata. Jetele-phe anga ufua sè kuxisa ana.

³³ O ana a Jonata enhá: Pelete ni Zeza. Enhá ene o ana a Jelamele.

³⁴ Sezane-phe ka kexile ni ana a mala maji ana a ahatu. Sezane uakexile ni mubhikʼê ua diiala mukua Ijitu dijina diê Jala.

³⁵ Sezane-phe hé u bhana monʼê ua muhatu kusakana ni mubhikʼê Jala, iu ua mu vualela Atai.

³⁶ O Atai uvuala Natane, o Natane uvuala Zabadi.

³⁷ O Zabadi u vuala Efaladi, o Efaladi u vuala Obede.

³⁸ O Obede u vuala Jehu, o Jehu u vuala Azadiia.

³⁹ O Azadiia u vuala Heleji, o Heleji u vuala Eleazá.

⁴⁰ O Eleazá u vuala Sijimai, o Sijimai u vuala Salume.

⁴¹ O Salume u vuala Jekamiia, o Jekamiia u vuala Elizama.

⁴² O ana a Kalebe, phangʼia Jelamele, enhá: Mesa, o phande-kumbi iê, (iú muene tata ia Zife) ni ana a Malesu, tata ia Hebolone.

⁴³ O ana a Hebolone enhá: Kola ni Tapuua, ni Lekeme ni Sema.

⁴⁴ O Sema u vuala Lahame, tata ia Jolokeiane; O Lekeme u vuala Samai.

⁴⁵ O monʼa Samai, Maone; o Maone muene tata ia Bete-Zule.

⁴⁶ O Efa, mukama ua Kalebe, ua vuala Halene, ni Moza ni Ngazeze; O Halane u vuala Ngazeze.

⁴⁷ O ana a Jadai enhá: Lejeme, ni Jotane, ni Jesane, ni Pelete, ni Efa ni Sahafe.

⁴⁸ Kua Mahaka, o mukama, Kalebe ua vuala-ku Sabele, ni Tilona.

⁴⁹ O muhatuʼa Suafe, tata ia Madimana, uavuala Seva tata ia Makabena ni tata ia Ngibeia. Akaza muene o mona ua Kalebe ua muhatu.

⁵⁰ Ana a Kalebe, mona a Hulu, phande-kumbi ia Efalata enhá: Sebale, tata ia Kidiate-Jadimi,

⁵¹ Salama, tata ia akua Beleme, Halefe, tata ia Betengadi.

⁵² Ana a Sobale, tata ia Kidiate-Jadimi, enhá: Haloi ni Kanana ku jimenuita.

⁵³ O majiku a jifamídia mu Kidiate-Jadimi, enhá: Je-itulé ni akua Pute, ni jisumaté, ni ji-mizalaé. Kua enhá kuene kuatundu akua Zola ni akua Xitaole.

⁵⁴ O ana a Salama enhá: Akua Beleme ni akua Netofa, ni akua Xitalote, ni akua Bete-Jouabe, ni kaxaxe ka jimanatita, ni akua Zola.

⁵⁵ O majiku a jifamídia ja asoneki a tungile mu Jabezi enhá: jitilatita, ni jisemetita, jisukatita; enhá akua Kene, a tunda kua Hamate, tata ia dibhata dia Lekabe.