I Malunda 1 - O Mikanda Ikola

Uvadiue, tunde kua Adá katé kua Noé. O ana a Noé, ni oso a tokala ku miji iâ

¹ Adá, Sethe, Enu,

² Kainane, Mahalalele, Jalede,

³ Enoko, Metúzala, Lameke,

⁴ Noué, Seme, Hame, ni Jafete.

O muiji ua anʼa Noué

⁵ O ana a Jafete enhá: Ngomele, ni Mangongo ni Madai, ni Javane, ni Tubale, ni Meseke, ni Tila.

⁶ O ana a Ngomele, enhá: Xikena, ni Lifate, ni Tongalama.

⁷ O ana a Javane: Eliza, ni Talxixi, ni Kitime, ni Dodanime.

⁸ O ana a Hame: Kuxi, ni Mixilaími, ni Pute, ni Kanana.

⁹ O ana a Kuxi enhá: Seba, ni Havila, ni Sabata, ni Lahama, ni Sabateka; o ana a Lahama enhá: Seba ni Dedane.

¹⁰ O Kuxi uvuala Nimifode uamateka kukala munéne mu ngongo.

¹¹ O Mizalaimi uvuala akua Ludime ni akua Anamime, ni akua Leabime ni akua Nafutuhime.

¹² Ni akua Patulusime, ni akua Kasuluhime, kua tundu o muiji ua akua Fidíxia ni akua Kafitoli.

¹³ O Kanana uvuala Sidone, monʼê ua phande-kumbi, ni Hete.

¹⁴ Ni Jijebuzé, ni Ji-amolé ni Jijidingazé,

¹⁵ ni Mahivi, ni Ji-alakeu, ni akua Sine,

¹⁶ ni Ji-alavadé, ni Jizemale, ni akua Hamate.

¹⁷ O ana a Seme enhá: Elame, ni Asule, ni Alufaxade, ni Lude, ni Aláme, ni Uze, ni Hule, ni Jetele, ni Meseke.

¹⁸ O Alufaxade ua vuala Selahe; o Selahe ua vuala Ebele.

¹⁹ Kua Ebele kua tundu ana kiiadi: umoxi a muixana Peleke, kuma mu izuua iê muene mua uane o ixi, o phange iê a muixana Jokotane.

²⁰ O Jokotane ua vuala Alumodade, ni Selefe, ni Hazalamavete ni Jelahe,

²¹ Ni Hadolamu, ni Uzale, ni Díkala,

²² ni Obale, ni Abimaiele, ni Seba,

²³ ni Ofile, ni Havila, ni Jobabe, ene oso iâ a kexile ana a Jokotane.

O muiji ua Seme

²⁴ Ni Seme kiá, ni Alufazade, ni Selá,

²⁵ ni Ebele, ni Peleke, Lehu,

²⁶ ni Seluke, ni Naholo, ni Tela,

²⁷ Mbalamu a muita Nbalahamu.

O muiji ua Mbalamu kua Sala ni Hangale ni Ketula

²⁸ O ana a Mbalahamu enhá: Izake ni Ijimaiele.

²⁹ O miji iâ, ienhiʼii: Mona ua phande-kumbi ua Ijimaiele, Nebaiote; kua kaiela Kedale ni Adibiiele ni Mibesame.

³⁰ Mízima, ni Nduma, ni Máxika, Hadade ni Tema.

³¹ Jetule, ni Nafise, ni Kedema, enhá ene o ana a Ijimaiele.

³² O ana a Ketula, mukama ua Mbalahamu, iú u vuala Zimila, ni Jokosane, ni Medane, ni Midiiana, ni Jijibake, ni Suua; o ana a Jokosane enhá: Seba ni Dedane.

³³ O ana a Midiiana: Efa, ni Efele, ni Hanoke, ni Abida, ni Eleda; ene osoʼâ a kexile ana a Ketula.

³⁴ Mbalahamu-phe uvuala Izake; o ana a Izake: Izáu ni Izalaiele.

O muiji ua Izáu

³⁵ O ana a Izaú: Elifaze, Leuele, ni Jehu, ni Jalane, ni Kola.

³⁶ O ana a Elifaze: Tamane, ni Omale, ni Zefi, ni Ngaietame, ni Kenaze, ni Timina, Amaleke.

³⁷ O ana a Leuele: Nahate, Zela, Sama, ni Miza.

³⁸ O ana a Seíle: Lotane, ni Sobale ni Nzibiione, ni Ana, ni Disone, ni Ezele, ni Disane.

³⁹ O ana a Lotane: Hodi ni Homane; ni phange ia Lotane ia muhatu, a muidi Timina.

⁴⁰ O ana a Sobale enhá: Aliiane, Manahate, ni Ebale, Zefí ni Oname. O ana a Nzibiio-pne enhá: Aia ni Ana.

⁴¹ O monʼa Ana, muenhú: Disone. O ana a Disone: Hamalane, ni Ejibane, ni Italá, ni Kelane.

⁴² O ana a Ezale enhá: Mbidiiane, ni Zahavane, ni Jahakane. O ana a Disane enhá: Uze ni Halane.

O jisobha ni ilamba ia Idomo

⁴³ Enhá ene o jisobha atumina jinga mu ixi ia Idomo, kioso ana a Izalaiele kia kambele o sobha ua tumina: Bela, mona a Beola; o Dinhabá diene o dijina dia mbanza iê iatumina jinga.

⁴⁴ Bela hé ufua, bhu kididi kiê mu kutumina bhu bhingana Jobabe, mona a Zela mukua Bozela.

⁴⁵ Jobabe ue hé ufua, o bhu kididi kiê mu kutumina anga bhu bhingana Huzame mukua ixi ia Temane.

⁴⁶ Huzame hé ufua, o bhu kididi kiê mu kutumina bhu mu bhingana Hadade, monʼa Bedade. Iú hé u jibha akua Midiiana mu mukáu ua Mouabhe, o dijina dia mbanza iê Havite.

⁴⁷ Hadade anga ufua, bhu kididi kiê mu kutumina bhu bhingana Samela, mukua Majileka.

⁴⁸ Samela anga ufua, bhu kididi kiê mú kutumina bhu bhingana Saulo, mukua Lehobote bhu mbanduʼa honga ia ngiji ia Ifalate.

⁴⁹ Saúlo anga ufua, hé bhu kididi kiê mu kutumina bhu bhingana Bale-dia-Hanane monʼa Akebolo.

⁵⁰ O kiafu Bale-dia-Hanane, Hadade u mu bhingana ku usobha, o dijina dia Mbanza iê Phai. O dijina dia muhatuʼê Matabele, monʼa Matelede, mona a Mezahabe.

⁵¹ Kiafu Hadade, o majina a jinguvulu ja tumina jinga mu Idomo, enhá: Nguvulu Timina, nguvulu Alava, nguvulu Jetete,

⁵² nguvulu Oholibama, nguvulu Ela, nguvulu Pinone,

⁵³ nguvulu Kenaze, nguvulu Temane, nguvulu Mibezale,

⁵⁴ nguvulu Mangidiiele, nguvulu Hilamu. Enhá akexile jinguvulu ja Idomo.