I Kolindo 13 - O Mikanda Ikola

Ku ima ioso o henda kota

¹ Eme né-mbe ngi zuela jimbimbi ja athu, katé ni ja ji-anju, maji ngi kamba o henda, ioso i ngi zuela, nga di bhange ngi utadi u bhana mutendu, ngi ngoma ia ngondo i ngulungunda.

² Se ngi kala ni uhete ua upolofeta, katé o ijinganu ioso nga ijiia, o kuijiia kuoso nga ku zubha; se ngi kala ni kuxikana kuoso, katé ngi tena kusondolola o milundu bhu ididi iê, maji ngi kamba o henda, ki ngi kala ngi kima.

³ Se ngi bhana o jimbongo jami joso ji ngala na-ju mu kubhindumuna o jingadiama, katé ngi bhana o mukutu uami phala ku u oha mu tubhia, maji ngi kamba o henda, ki ngi bhanduluka-ku kima.

⁴ O henda i kolokota mu jihadi, i lenduka. O henda ki i moneka dixinga, o henda ki iene izala, mba ukumbu.

⁵ Ki iene kubhanga ufusa, ki iene kusota ngo o kiê. O henda ki iene mu kala ni njinda, ki iene kufutuluka, ki iene kufika ima iaiibha.

⁶ O henda ki i sangulukila ima i kamba kuiuka i bhita na-iu akuá, maji i sangulukila o kidi.

⁷ O henda ki i zondo mu phaxi, maji i xididika mu ima ioso ni kuxikana, i dielela mu ima ioso, i bhalakata mu ima ioso.

⁸ O henda ki ia kà bhua. Né-mbe kukala mizambu ia jipolofeta, sai ia kà bhingana, kuma ki i nange kubhita. Némbe kukala uhete ua kuzuela jimbimbi, sai bhu ja kà suka. Né-mbe kukala kuijiia, kua kà jimuka ue nzaká!

⁹ Kuma kiki tuejiia ngó mbandu, ku upolofeta tu kunda ngó mbandu.

¹⁰ Hinu-phe kià kèza kiatenana, kiala ngó mbandu ki bhua-ku.

¹¹ Ki nga kexile ngi monʼ a ndenge, ngi zuela kia undenge, ngi xinganeka kia undenge, ngi fika kia undenge. Kikiphe ki ngeza ku uadiakime, imbamba ia undenge nga i eha.

¹² Ki tualʼ iki tu muena mu lumuenu lua fefetela, maji kithanganʼ okio-phe tua kà mona pholo ni pholo. Kiki ngejiia ngó mbandu, kienhokio-phe nga kèjiia kiambote, uila eme-muène ki a ngʼ ijiia kuala Nzambi.

¹³ Uila kiki, ima ia xalela-ku o kuxikana, o kudielela, o henda, kitatu kiâ. Kiala-bhu-phe kota, o henda.