Izaía 16 - O Mikanda Ikola

¹ Tumikisenu jimbudi kua muenexi ua tumina oxi, tunde ku Sela, mu kiphenza, jiie katé ku mulundu ua mona-kilumba mu Ziione.

² He ki mua ki bhange, ana-ilumba mu Mouabhe mu a sanga a sukemena bhu matabhu a Anone, a-nda kuila kala njila iala mu zungana, a i muange bhu kikalanga kiê.

³ Sota kaiula, bhanga ima ia tetuluka, iudika kilembeketa, mbé kitua muanha ua mediia, kile muene kala mu usuku; kondeka oso a a balakala, oso ala kusota bhuoso bhua nhohena, eie kana ku a tungununa.

⁴ Oso atungani ami, a a balakala, enzela-u a tunge muʼaxaxi kaʼxi ié; akua Mouabhe kioso ki a oseka kuala abhundi, eie-phe kala kiá u dilengelu diâ; mbata kiluami ua-nda ku kala ni sukilu diê; o dibuikilu di sasuka hé di bhua, abhondeleki a jima mbutu kulu dia mundu.

⁵ Mbata kua-nda kukala kiandu kia henda kia difikidila, o ku thandu diê, mu balaka ia Davidi, kuene kua kà xikama muthu ufundisa mu kidi, u sota o mulonga kiambote, anga u sakalala mu ku lungisa.

⁶ Ukumbu ua Mouabhe tua u ivu fuma, exi, disese divula kua Mouabhe; tuevu katènda kê, tuevu ukumbu uê, tuevu ngânji iê; ku di-kudisa kuê-phe kingoho.

⁷ Kala kiki, Mouabhe ua-nda kukumbila Mouabhe; ene oso muene a-nda kukumba; mua-nda kukema kioso ki sekala madisesa ma Kidi-halesete, kuma a ma bulu kiá.

⁸ Kuma o mábhia ma Hexebone ma xala ivuza; muvide ua Sibama ki uala kuima dingi; jingana ja ifuẋi jala mu titidila kiá o milenga iê iabetele kuuabha; phaphu iê ia bhixila mu Jazele; ene ala kunhungana ngó mu kikangalakata; o jithangu jê ja sambuka kiá, jiʼja zaúka mu sámbua dia kizanga kia kalunga.

⁹ Kienhiki ngi dila kiá ni udidilu ua Jazele, mukonda dia muvide ua Sibama; nʼeie Hexebone, nʼeie Eleiale, ngi mi tekele kiá ni masoxi mami, mbata o kusangulukila ibundu ié ia kudinji, ni kumuna kué, kuabhu-ku kiá.

¹⁰ O kutana ni kusangulukila o mulenga uima idima iavulu, kuabhu-ku; o kiki kiá mu mivide kala kuimbila-mu dingi, ki kuala dingi kutana kua kima, mukėti-a-vinhu mu matangi, ka-nda kuketela-mu dingi. Eme o kutana nga ku bhuisa-ku.

¹¹ Kienhiki mu mala mua ngi lunguta, kala a mu xika-mu kakoxi, mukonda dia Mouabhe; moxi diami kiene ki muala mukonda dia Kidi-helese.

¹² Kioso Mouabhe kia-nda kuila bhu thala ia milundu bhua mu kumu kiá, anga ubokona mu tembulu iê mu samba, ka-nda kubonga-mu kima.

¹³ Kiki kiene kizuelu kia tanga Jihova mu kanena Mouabhe, tundiê mʼokulu.

¹⁴ Maji kiki-phe Jihova uambe, uixi: Mu mivu itatu, kala mivu ia jingunza, kijingo kia Mouabhe bhene bhu kia kà sekalela, ni kifuxi kiê kioso kia dikotʼokio; o tu-masubhu tuoso tua-nda ku mu xala-bhu, kadikumba ngó, sè nguzu.