Estere 10 - O Mikanda Ikola

Ukota ua Maludukeu

¹ Kia zubha kubhita imʼii, muenexi Asuuelu anga ubhinjika mundu kuzonga dijimu, ni mu ixi ioso, ni mu ikolo ia kalunga.

² Ima ioso-phe ia bhangele Asuuelu ia uzonda uê ni kusuina kuê, ni ukota ua Moledekai uoso ua mu bhana muenexi, manhi iene ioso iii ka i soneka mu divulu dia malunda ma jisobha ja Mediia ni ja Pélesa?

³ Kuma o judé Moledekai muene kaiadi ua kaiela kua muenexi Asuuelu, anga u kala ni kijingo muʼaxaxe ka jijudé, kuma muthu uambote, o mundu ua akuʼâ a di tumu-nê kiambote, u sota jinga muiji uê ku u bhanga mbote hé u kalakela muiji uê, ni aluluʼâ mu ku a xila kutululuka.