Ejidala 10 - O Mikanda Ikola

Anʼa Izalaiele a diela, anga ambula ahetu ʼâ akua Hiti

¹ Kioso Ejidala kia mu samba kiki, ni kufisala kuku, ni kudila, ua dizale bhoxi ku pholo ia inzu ia Nzambi, a di bongoluela kua muene, kionge kia dikota kia anʼa Izalaiele kia mala ni ahatu ni tuana tua ndenge mukonda mundu ua kexile mu ku dila ni kibulukutu kia dikota.

² Bhenhobho Sekaniia, monʼa Jiiele, umoxi ku anʼa Elame, anga u kumbulula, uambela Ejidala, uexi: Etu Nzambi ietu tua mu te kituxi, mu kusakana ni ahatu a tundu kuengi, a tokala ku ifuẋi ia jixi jenhiji; maji né kienhiki-phe, hanji sai-ku kudielela kua Izalaiele.

³ Kindala-phe muene, tu ta kikutu ni Nzambi ietu, kuila, ahatu oso tu a senga, ni kioso kiòvuale kua ene kala kiambe kaiula ka Jihova, ni ka iá a kuata uoma ua ngonge ia Nzambi ietu, tu bhange kala kiambe o kitumu.

⁴ Eie-phe balumuka, mukonda uenji iú éʼmuene ua ku tokala, etu tua-ndu kala nʼeie kumoxi. Suína-phe nda u bhange kienhiki.

⁵ Ejidala bhenhobho hé u balumuka, anga u lokesa makota moso ma jinganga, ni jilevita ni Izalaiele ioso kuila a bhanga muene kala kiambe maka eneʼá; ene anga a loka muene.

⁶ Ejidala hé u balumuka, u sondoloka ku pholo ia inzu ia Nzambi, anga u bokona mu xilu dia Nzuanane, monʼa Eiiiasibe; kia mu bhekela mbolo muenhomo, nguê kúdia; kia mu bhana menha, nguê kúnua; kuma ku muẋima kua mu xiialala ni kutondala kua iá a tundu mu ubhika.

⁷ Anga a bhita ni ku ki boka, mua Juda ni mu Jeluzaleme, kuila eneʼoso a tundu mu ubhika a di bhongoluele mu Jeluzaleme.

⁸ O uoso mu izuua itatu kʼeza, kala kia tange o kaiula ka adiakimi ni ikulakaji, umvuama uê uoso a-nda ku u koleka, o muene-phe a mu uanununa, mu kilômbo kia iá a tundu mu ibhika ka kala-mu.

⁹ Bhenhobho-phe, athuʼoso mua Juda ni mua Bejami, mu izuua itatu anga a di bhongoluela mu Jeluzaleme; mbeji ienhoio-phe iene ia kávua, mu kizuua kia makuinhi aiadi ku mbeji; mundu uoso anga a xikama ni kuteketa mu lumbu lua inzu ia Nzambi, ki mukonda ngó dia kima kienhiki maji ni mukonda ue dia mvula ia vudile kinéne.

¹⁰ Nganga Ejidala bhenhobho anga u balumuka, u a tangela, uexi: Enu mua tondala, mua sakana ni ahatu a jixi jengi; mulonga ua Izalaiele mua u vudisa.

¹¹ Kiki-phe, di fisadienu kua Jihova Nzambi ia jitata jenu, mu bhange kioso kia mu uabhela muene; ki mu di bunde ni athu akua jixi jengi, ahatu a jixi jengi di muangununienu-nâ.

¹² Kionge kioso anga etaia ni mázui ma suína, exi; Kiene muene! Kioso ki ua tange, kiene muene kia tu fuama kubhanga.

¹³ Maji-phe o mundu ua vulu, o kuene ue makumbi ma jimvula ja vulu kinéne, ku kala bhu kanga bhabha, ki ki xikina; o kiki-phe ue ki kima kia kubhanga mu kizuua kimoxi mba iiadi, mukonda tua vulu tua tondala mu uenji uenʼiú.

¹⁴ Inda-phe à te adikime etu oso, a kifuxi, ku maka eneʼá; o ió oso a sakana ni ahatu a jixi jengi, mu jimbonge jetu, eze kua ene mu izuua ioso ia a xindi, kumoxi ni adiakimi a mabhata mâ ni afundixiʼâ, katé ki tu somboka o kizuua kia njinda ia Nzambi ietu, mukonda dia kikuma kiki.

¹⁵ Maji-phe Jonatane ngó, monʼa Azaiele ni Jehaziia monʼa Tikiva ene ngoho a a te ku maka eneʼá; ni Mezulane ni Sabetai, mukua Levi, anga a a kuatekesa.

¹⁶ A tundu mu ubhika anga a bhanga muene kienhiki; bhenhobho Ejidala, o nganga, anga u di sandula kumoxi ni athu, ikuna ia jitata, muene a nona mu majina mâ, kala kiá kioso kiala mu mabhata ma jitata jâ; anga a di xikamena, mu kizuua kia dianga ku mbeji ia kakuinhi, phala kutokuesa ima ienʼiii.

¹⁷ Mu kizuua kia dianga ku mbeji ia dianga, mala oso a sakana ni ahetu engi, anga abhua kiua ni ku a muena o kaiula ka mulonga uâ.

¹⁸ Ku anʼa jinganga-phe a sakana ni ahatu a jixi jengi anga a sanga-mu iá: Ku anʼa Jesuua, monʼa Jozadake ni jiphange jê, Mahaséia ni Eliezele ni Jadibe ni Jedaliia.

¹⁹ Anga a bhana maku, exi: Tuabhi! Ahetu tu a senga. O kia mono kuêla kuâ, a bhana sata ia kilumbe kia mbudi ia kilunga mu kikuma kiâ.

²⁰ Ku anʼa Imele: Hanani ni Zebadiia.

²¹ Ku anʼa Hadimi: Mahaséia, ni Elija, ni Semaia, ni Jiiele ni Uziia.

²² Ku anʼa Pasulu: Eliehoenai, ni Maséia, ni Ijimaiele, ni Natanele ni Jozabade, ni Elasa.

²³ Ku anʼa Levi: Jozabade, ni Ximei mba Semei ni Kelaia (iu Kelita), Petaia, Juda, ni Eliiezele.

²⁴ Ku jingimba: Eiiiasibe. Ku akua ku jikula mabhitu: Salume, ni Teleme, ni Hudi.

²⁵ Mua Izalaiele, ku anʼa Phaluji: Lamiia, ni Jeziia, ni Makiia, ni Miiamini, ni Eliiezele ni Makiia, ni Benaia.

²⁶ Ku anʼa Elame: Mataniia, Zakadiia, Jiiele, Abidi ni Jelemote, ni Ilija.

²⁷ Ku anʼa Zatu: Eliehoeni, Eliiasene, Mataniia, Jelemote, Zabadi ni Aziza.

²⁸ Ku anʼa Bebai: Nzuanane, Hananiia, Zabai ni Atalai.

²⁹ Ku anʼa Bani: Mezulane, Maluke, Adaia, Jasube, Seiale ni Jelemote.

³⁰ Ku anʼa Pahate-Mouabhe: Adina, Kelale, Benaia, Mahaséia, Mataniia, Bezaliiele, ni Binui ni Manasa.

³¹ Ku anʼa Hadimi: Eliiezele, Joziia, Makiia, Semaia ni Ximinhá,

³² ni Bejamí, ni Maluke, ni Semadiia.

³³ Ku anʼa Hasune: Mathanai, Mathatha, Zabadi, Elifelete, Jelemai, Manasa, Ximei.

³⁴ Ku anʼa Bani: Mahadai, Halane ni Uele,

³⁵ ni Benaia, ni Bediia, ni Keluhi,

³⁶ Vaniia, Melemote, Eiiiasibe.

³⁷ Mataniia, Matenai, Jahasai,

³⁸ Bani, Binui, Ximei,

³⁹ Selamiia, Natane, Adaia,

⁴⁰ Makinadibai, Sasa, Salai,

⁴¹ Azadiiele, Selamiia, Semadiia.

⁴² Salume, Amadiia ni Zuze.

⁴³ Ku anʼa Nebu: Jiiele, Matitiia, Zabadi, Zebina, Jadai, Jouele, ni Benaia.

⁴⁴ Ene osoʼâ a sakanene ahetu a jixi jengi; amoxi-mu a vuala-nʼâ, muene, ana.