Dimatekenu 36 - O Mikanda Ikola

O luvualu lua Izaú

¹ Ingo ia vumu ia Izaú ienhiʼii, muene-phe Idomo.

² Izaú anga u sakana ahatu ku akuaʼxi ia Kanana: Ada monʼa a Elone, mukua Hiti, ni Oholibama monʼa Ana, monʼa Zibiione, mukua Hivi,

³ ni Basemate mon, a Ijimaiele, phange ia muhatu ia Nebaiote.

⁴ O Ada anga u vualela Izaú monʼê a mu ixana Elifaji; Basemate u mu vualela Luuele.

⁵ Oholibama u mu vualela Jeuji, ni Jalamu, ni Kola; iá ene anʼa Izaú a mu vualela-nâ mʼoxi ia Kanana.

⁶ Izaú anga u katula ahatu-ê ni anʼê a mala ni a ahatu, mienhu ioso ia dibhata diê, ni jingombe ni ibhaku ioso, ni jimbongo ja bhongolola mʼoxi ia Kanana, anga uia ixi iengi, phala kukala-kanga ni ndenge iê Jakobo.

⁷ Kuma a di bhange mabhata a makota, kutunga kumoxi ki kua ẋikina; o ixi ia unhunginu uâ ki i soko ene oso kukala-mu mukonda dia ibhaku iâ.

⁸ Izaú anga u tunga mu mulundu ua Seíle. (Izaú-phe muene Idomo.)

⁹ O muiji ua Izaú, tata ia akua Idomo, ku mulundu ua Seíle uenhú:

¹⁰ O anʼa Izaú a mala majina má enhá: Ilifaji, uavu manhʼâ Ada, muhatuʼa Izaú; Leuele, uavu manhʼâ Basemate, muhatuʼa Izaú.

¹¹ Ilifaji u kala ni a nʼê: Temane, Omale, Zefo, Ngetamo, ni Kenaji.

¹² Timina anga u kala mukama ua Ilifaji monʼa Izaú; anga u vuala mona ua Ilifaji, Amaleke; ene osoʼá anʼa Ada, muhatuʼa Izaú.

¹³ Leuele anga u kala ni anʼê iá: Nahate, ni Zela, ni Xama, ni Miza; iá ene anʼa Basemate muhatu a Izaú.

¹⁴ Iá ene anʼa Oholibama, monʼa Ana, monʼa Zibiione, mukajiʼa lzaú a bhana kua Izaú; Jeuji, ni Jalamu, ni Kola.

¹⁵ Enhá ene o mavunda ku a nʼa Izaú; ku anʼa Ilifaji, muene thungunu ia lzaú: o divunda Temane, ni divunda Omale, ni divunda Zefo, ni divunda Kenaji.

¹⁶ O divunda Kola, ni divunda Ngetamo ni divunda Amaleke; ene o mavunda a musala ua Ilifaji mʼoxi ia Idomo, ene anʼa Ada.

¹⁷ O iá anʼa Leuele, monʼa Izaú: o divunda Nahate, ni divunda Zela, ni divunda Xama, ni divunda Miza; ene o mavunda a músala ua Leuele mʼoxi ia Idomo, ene oso anʼa Basemate mukajiʼa Izaú.

¹⁸ O iá ene o anʼa Oholibama mukajiʼa Izaú; divunda Jeuji, ni divunda Jalamu, ni divunda Kola, o músala ua Oholibama, monʼa muhatu ua Ana, mukajiʼa Izaú.

¹⁹ Ene osoʼâ ene anʼa Izaú, o mavunda mâ enʼiá: Izaú muene-phe Idomo.

O luvualu lua Seíle

²⁰ O iá ene anʼa Seíle, mukua Hodi, ene akuaʼxi mʼokulu; Lotano, ni Sobalo, ni Zibiione, ni Ana.

²¹ Ni Dixone, ni Ezele, ni Dixane; ene o mavunda ku musala ua Mahodi, anʼa Seíle, moxi ia Idomo.

²² Anʼa Lotano, Hodi ni Hemane; muene Lotano u kala ni phangʼiê ia muhatu Tímina.

²³ O iá ene anʼa a Sobalo: Alevane ni Manahate, ni Ebalo, Xefo ni Onano.

²⁴ O iá ene anʼa Zibiione: Aiahe ni Ana; o Ana muene ua sangele o jifiẋi ja menha ma tema mu kikangalakata, kioso kiala mu kuinga o jijumentu ja tatʼâ Zibiione.

²⁵ O iá ene anʼa Ana: Dixone o mona ua diiala, ni Oholibama monʼa muhatu.

²⁶ O iá ene anʼa Dixone: Hemedane, ni Exibane, ni Itilane, ni Kelane.

²⁷ O iá ene anʼa Ezele: Bilhane ni Zahavane, ni Akane.

²⁸ O iá ene anʼa Dixane: Uze ni Alane.

²⁹ Iá ene o mavunda ku musala ua Mahodi: divunda Lotano, divunda Sobalo, divunda Zibiione, divunda Ana.

³⁰ Divunda Dixone, divunda Ezele, divunda Dixane; iá ene o mavunda ku músala ua Mahodi; kiene kiende miji iâ mʼoxi ia Seíle.

O Jisobha ja Idomo

³¹ O iá ene o jindembu (jisobha) a hingile o ungana mʼoxi ia Idomo, kala ku Izalaiele kiluua ku kala ndembu.

³² Ku kala Bela monʼa Beholo, u hinga ungana ua Idomo; o mbanza iê a ixana bhu Dinabha.

³³ Bela anga ufué, o Jobabo monʼa Zela anga u bhingana bhu kididi kiê.

³⁴ Jobabo anga ufué, Huxame mukuaʼxi ia Matemani u hinga bhu kididi kiê.

³⁵ Huxame anga ufua, Hadade monʼa Bedade, u hinga o ungana bhu kididi kiê; muene Hadade u lua ita ni Midiiana anga u a toloela mu mukáu ua Mouabhe; o mbanza iê a ixana Aviti.

³⁶ Hadade anga ufua, Samulahe mukua Majileka u bhingana bhu kididi kiê.

³⁷ Samulahe anga ufua, Saúlo mukua Lehobote dia honga, u hinga ungana bhu kididi kiê.

³⁸ Saúlo anga ufua, Baale-hanana monʼa Akebolo, u bhingana bhu kididi kiê.

³⁹ Baale-hanana monʼa Akebolo anga ufua, Hadale u hinga ungana bhu kididi kiê. O mbanza iê aʼixana jinga exi, bhu Páu; mukajiʼê dijina diê Mehetabele, monʼa Matelede, monʼa Mezahabe.

⁴⁰ O iá ene o majina a mavunda ku músala ua Izaú, ku a endesa ku miji iâ, ni ku ididi iâ, ni ku majina mâ; o divunda Timana, divunda Aleva, divunda Jethethe.

⁴¹ Divunda Oholibama, divunda Elahe, divunda Pinone,

⁴² divunda Kenaji, divunda Temane, divunda Mibezale,

⁴³ divunda Mangidiiele, divunda Hame; iá ene o mavunda a Idomo, ku a endesa ku mabhata mâ, mʼoxi ia undundu uâ. Muenʼiú, muene Izaú, tata ia akua Idomo.