Dimatekenu 10 - O Mikanda Ikola

O luvualu lua anʼa Noué

¹ Iii-phe iene o miji ia anʼa Noué a mala, ni Seme, ni Hame, ni Jafete; ene uâ anga a vuala anʼâ kia tundu ku dilúvio.

² Anʼa Jafete eniá; Ngomele, Mangongo, Madai, Javane, Tubale, Meseke ni Tilaji.

³ Anʼa Ngomele eniá: Xikena, Lifate ni Tongalama.

⁴ Anʼa Javane eniá: Eliza, Talxixi, Kitime ni Dodanime.

⁵ Enhá ene a di uanena o jixi ku ikolo ia matumbu, a di tungula ku madimi, ku miji, ni ku ilombo iâ.

⁶ Anʼa Hame eniá: Kuxi, Mizilaími, Pute ni Kanana.

⁷ Anʼa Kuxi enhá: Seba, Havila, Sabata, Lahama, Sabateka; anʼa Lahama enhá: Seba ni Dedane.

⁸ Kuxi anga u vuala Nimilode, muenʼiú anga u kala dizonda mu ngongo.

⁹ U kala kota dia dinhanga bhu pholo ia Ngana; katé kia xala phangu, exi: Nhanga dia ngenga, mukuá ni Nimilode, bhu pholo ia Ngana.

¹⁰ A dianga kukala mu kilombo kia utuminu uê, Babele, Eleke, Akade, Kalene, mʼoxi ia Xinale.

¹¹ O kutunda mʼoxi momo, uia mu Asídia, u tunga Ninive, ni Lebote-Ile, ni Khala.

¹² Ni Lesene bhu kaẋi ka Ninive ni Khala, iii iene o mbanza ia dikotʼoio.

¹³ Mizilaime anga u vuala Ludime, Anamime, Lehabime, Nafutuhime,

¹⁴ Ni Patulusime, ni Kasuluhime, (kuene kua tundu akua Fidíxia) ni Kafitolimi.

¹⁵ Kanana anga u vuala thungunu ie Sidone, kua kaiela Hete.

¹⁶ Ni Majebuze, ni Mamodi ni Jijidingaze;

¹⁷ ni Mahivi, ni Mahaki, ni Masini;

¹⁸ Ni Maluvadi, ni Mazemadi, ni Mahamati;

¹⁹ Akua Kanana-phe mbambe iâ, tunde bhu Sidone uia katé bhu Jelale, bhuamoxi ni Ngaza; u kuata dingi katé bhu Sodoma ni Ngomola, bhu Adama ni Zeboini, katé bhu Laxa.

²⁰ Enhá, anʼa Hame kia di tungula mu miiji iâ, ni madimi mâ, ni jixi jâ, ni ilombo iâ.

²¹ O Seme ué, tata ia ana oso a Ebele, dikota dia Jafete, u vuala ni anʼê.

²² Anʼa Seme enhá: Elame, Asula, Alufaxade, Lude, Halá

²³ A nʼa Alame enhá: Uzo, Huii, Ngeteke, Maxa.

²⁴ Alufaxade anga u vuala Selahe, u vuala Ebele.

²⁵ Ebele anga u vuala ana kiiadi; iú dijina diê Peleke, mukonda mu izuua iê kiene kia di uanununa ixi; o mukuá dijina diê Jokotane.

²⁶ Jokotane anga u vuala Alumodade, Selefe, Hazalamavete, Jelah;

²⁷ Ni Hadolamu, Uzale, Díkala;

²⁸ Obale, Abimale, Seba;

²⁹ Ofile, Havila, Jobabe; ene oso-â anʼa Jokotane.

³⁰ O kutunga kuâ tunde bhu Mexa, mu kuia ku Sefale, ku milundu ia Mutundila-ku-mbi.

³¹ Enʼiá ene anʼa Seme kia di tungula ku miiji iâ, ni madimi, ni jixi, ni ilombo iâ.

³² Iene o miiji ia anʼa Noué, mu kusokoloka kuâ, mu ilombo iâ; iene ilombo ia di uanena mu ngongo, kioso kia tundu ku dilúvio.