Забур 86 - Китоби Муқаддас 1992 1999

ТАРОНАИ ҲАШТОДУ ШАШУМ Ситоиши шаҳри Худо.

¹ Таронаи банӣ‐Кӯраҳ. Суруд.

² Буньёди он дар кӯҳҳои муқаддас мебошад. Худованд дарвозаҳои Сионро зиёда аз ҳамаи масканҳои Яъқуб дӯст медорад.

³ Суханони ситоиш дар ҳаққи ту гуфта мешавад, эй шаҳри Худо. Село.

⁴ «Ба орифони Худ Раҳаб ва Бобилро зикр хоҳам кард; инак замини Фалиштӣ, ва Сӯр бо Ҳабаш; фалонӣ дар он ҷо таваллуд шудааст».

⁵ Вале дар ҳаққи Сион гуфта хоҳад шуд: «Фалон одам ва фалон одам дар он таваллуд шудааст; ва Худи Ҳаққи Таоло онро барпо кардааст».

⁶ Худованд дар дафтари қавмҳо хоҳад навишт: «Фалонӣ дар он ҷо таваллуд шудааст». Село.

⁷ Ва сарояндагон бо раққосон: «Ҳамаи чашмаҳоям дар туст».