Забур 123 - Китоби Муқаддас 1992 1999

ТАРОНАИ САДУ БИСТУ СЕЮМ Худованд ба мо дар мӯҳтоҷӣ мадад мерасонад.

¹ Суруди сууди Довуд. Агар Худованд бо мо намебуд, — Исроил бигӯянд, —

² Агар Худованд бо мо намебуд, вақте ки одамон бар мо қиём карданд,

³ Он гоҳ моро зинда ба зинда фурӯ мебурданд, вақте ки хашмашон бар мо оташ гирифта буд;

⁴ Он гоҳ обҳо моро ғарқ мекард, селоб бар ҷони мо мегузашт;

⁵ Он гоҳ обҳои хурӯшон бар ҷони мо мегузашт.

⁶ Муборак аст Худованд, ки моро тӯъмаи дандонҳои онҳо нагардонд.

⁷ Ҷони мо мисли мурғе аз доми сайёдон раҳо шуд; дом вайрон шуд, ва мо раҳоӣ ёфтем.

⁸ Мадади мо дар исми Худованд аст, ки Ӯ осмон ва заминро офаридааст.