Romaindjé 11 - Testament ke Siki 1960 (Kabba Laka)

¹ Bana mam ndoudjou, Allah mbeté dooudjé la mbä wa? Ngadji goto. Mbata ma ndja mam nto Israël, ngon lo Abraham ke doou ke gel Benjamin té.

² Allah mbeté dooudjé la ang ke nè ngerédè dongor, Sésè egeridjé tar ke maketourou lo Allah pana mbata Élie ang wa? Deo di a nè nila tar do Israël té no Allah té wa?

³ Mbaibé Seigneur, dèdè ntòl prophètedjé loi ke ntoudjou bann loi, ma ke kadam a nai, ke dèdè nsangem ta tòlem.

⁴ A Allah tél tar arè na di wa? Mam ngem dooudjé dourou shiri mbata lom ndja, dèdè ke dongou mekedjé gòldè nange no kòr Baal té ang.

⁵ Deo kadaba tokou ban tò, ke nai té ke loshénè, maredjé kada kada nai bai, dèdè ke mberedè deo tokou mè madji té.

⁶ A tokou to deo tòkou mè madji té to ngä koula marè ang nga, tokou to ban ang, tòkou mè madji to tòkou mè madji ang nga.

⁷ Tokou ban di wa? Né ke Israël sange, nè ninga ang. A dèdè ke Allah touradè dooudjé la, dèdè dinga né, a nda mè maredjé ngeng.

⁸ Deo kadaba tokou maketourou pana, Allah aredè ndii né geré ang, naredè kem ke ngä ko né ang, ke mbidè ngä ko tar ang, nderèng bokonè ndja.

⁹ Ke David pana, Are mourou kousou lodè dé to bandé, to koulaa, to né ta touka gòl, to né baange mbata lodè.

¹⁰ Are kemdè ndoul ke ta karedè do loou ngadji ang, Edoukou doundè ke ndò ke ndò.

¹¹ Tokou ban mam ndoudjou, dèdè ntouka gòldè mbata karedè doso wa? Ngadji goto. A mbata dèdè doso mbä, kadji dé rò Gentildjé té, baa ta kare mè Israëldjé ödè.

¹² Bana tokou koso lodè are né kinga nange nèn, ke tokou né ke naredè nai are né kinga Gentildjé, tél lodè to ke siki a kare né kinga nya wota ang wa?

¹³ A ma mpa kesè, sésè ke etoidjé Gentildjé, Tokou ban mbata mam nto ndjè koula lo Gentildjé, ma mpiti koula lom.

¹⁴ Ta kare mè noudjoumdjé Juifdjé ödè, tokou ban ta kare maredjé horodè té inga kadji.

¹⁵ Mbata tokou tar kïyadè dé to tar mè woul pè ke nange nèn, bana tar taadè to ke siki to di wa, to tébe ke téh mè bwa yo té ang wa?

¹⁶ Tokou mourou ke dare tokou kandé ke dongor to madji toï, kesedjé toï a to madji toï to, ke tokou ngira kake to madji toï, barkemè to madji toï tò.

¹⁷ A tokou ntouka barkem kake kada kada, a i ke to kake olivier ke mè mou té, ke mmai horodè té ta kinga man ke madji lo ngira kake olivier,

¹⁸ Ndoi ròi dò barkem kakedjé té nèn ang. A tokou i ndoi ròi ndja, mei woei ang to to i a oto gòlè ang, a to gòlè a otoi.

¹⁹ Bana i a pana, Ntouka barkem kake ta kare mam horodè té.

²⁰ Yèn to tokoro. Ntoukadè mbata dèdè do mèdè té ang, a i nai ngäi deo ko mè té ba. Tokou ban ndoi ròi ang, a eda bel.

²¹ Mbata tokou Allah ïya ta touka barkem kake ndja ang, a na kïya ta toukai ang to.

²² Tokou ban i wo mè madji ke mè ngeng lo Allah, mè ngeng ke dèdè ke doso, a mè madji lo Allah mbata loi, tokou i nai deo mè madji té la, tokou to ban ang da toukai tò.

²³ Ke dèdè to, tokou dïya tar mbeté lodè, da madè kendé, mbata Allah éh ke singa ta madè kendé mare bai.

²⁴ Mbata tokou ntoukai ke kake ke to kake olivier ke mè mou té, ke mmai mè kake olivier té ke madji, ke to deo kake té ang, dèdè ke nto barkem kake ndja, da madè mè kake olivier té ke to ngädè ndja wota nya ang wa?

²⁵ Mam ndiki ta kare egeridjé gel tar ke yarè nèn, ngakömdjé, ta kare oundaidjé mèsè gousou té losè ndja ang, mbata maredjé ke horo Israël té mèdè ngeng nderèng Gentildjé ande mè té ase mbä.

²⁶ Tokou ban Israël toï a kinga kadji, deo kadaba tokou maketourou pana, Ndjè kadji a kï Sion a dé, Nè na kòrou tar mbeté Allah horo Jacob té.

²⁷ Yèn a to tar kwaana medji lom kedè, ndò té ke ma mòrou né ke madjang lodè.

²⁸ A deo tar té ke madji, dèdè nto to ndjè kembaadjé mbata tar losè, a deo tar toura té la, nè ndikidè nya mbata tar lo kadèdè.

²⁹ Mbata né kare ba lo Allah ke bar la ke mmar dooudjé, nè ntourou ndouè ndò kada ang.

³⁰ Deo kadaba tokou sésè woidjé tar lo Allah leo ang, a bashénè ingaidjé mè madji mbata ko tar ang lodè,

³¹ Bana dèdè do tar loshénè ang, ta kare dèdè dase kinga mè madji loshénè tò, deo mè madji té ke nda kesè.

³² Mbata Allah to dooudjé toï deo mbeté tar té, ta kare nè nase da mè madji kedè toï.

³³ Na ase geré gel né kinga ke kemkarè ke gousou lo Allah. Na ase geré gel tar saria la ke nè ngange, ke na ase geré gel deo la.

³⁴ Mbata na geré kedji lo Mbaibé Seigneur, aséh na to ndjè ndedjè wa?

³⁵ Aséh na arè né ke ba leo, baa na tél ke marè karè wa?

³⁶ Mbata né toï ï rè té, ke dé deo té la, ke to mbata la. Ndokoo to la ke ndò ke ndò. Amen.