Marəke 16 - Testament ke Siki 1960 (Kabba Laka)

¹ Tokou ndò sabbat ndai mbä, Marie Magdala ke Marie ko Jacques ke Salomé, dèdè ndoko bou yambo, tokou ban dèdè dase kao sa oubou yambo do nin Jésus té.

² Ke sindo, ndò té ke dongor ndò shiri, dèdè dao bwa yo té tokou kade téh.

³ Dèdè mpa horodè té, Na baa a ngese err nèn ta bwa yo té karedjè wa?

⁴ Tokou dèdè daa loou, do errn lé ngese ke dang mbä, mbata errn lé boui nya.

⁵ Tokou dèdè dao mè bwa yo té, dèdè do doou ke to basä isi do dji kòlè té, koubou ke ndaa to rè té. Mèdè ounda dò biä.

⁶ Nè mpa naredè, Aridjé mèsè ounda dò biä ang, sésè esangidjé Jésus ke Nazareth, nè ke dèdè ntòlè. Nè nï mbä nga, nè néh nèn ang, woidjé loou ke dilè kendé.

⁷ Abidjé epaidjé are ndjè kao gè tédjé ke Pierre, nè nao ta kao Galilée té kèté dongor karesè. Sésè a koèdjé nou, deo kadaba tokou nè mpa naresè leo.

⁸ Dèdè ntéh bwa yo té, dèdè daïngòrou mbata ròdè isa ke mèdè ounda do biä. Dèdè mpa tar kada dare doou kada ang mbata bel dadè.

⁹ Tokou Jésus ï mbä nga ke sindò ndò té ke dongor ndò shiri, nè ntéh rò Marie té ke Magdala, nè ke Jésus touba ndii ke madjang shiri mèa té leo.

¹⁰ Dènèn lé ao pa are ndjè ke isi sa leo tokou dèdè dan nnò ke ongou, ke dao nnò ke man kemdè.

¹¹ Tokou dèdè do Jésus isi ke tébe, ke dènè nèn woè mbä nga, dèdè ndiki ta ko tar la ang.

¹² Goukoudang nèn Jésus téh ke rò ke dang inga ndjè la djo, tokou dèdè dao ndja ke deo ke mè ndòò té.

¹³ Dèdè dao mpa dare mare ndjè kao gè tédjé, dèdè ndiki ta ko tar lodè ang tò.

¹⁴ Gè té Jésus téh rò dèdè dòkou gérè kada té tokou dèdè disi ta kon mourou, nè ndangedè mbata dèdè do mèdè té ang, mbata mèdè ngeng, mbata dèdè ndiki ta ko tar lo ndjè ke woè ang, goukoudang nè ntéh mbä.

¹⁵ Nè mpa naredè, Abidjé loou toï ke nange nèn, epaidjé tar ke madji lo Allah are dooudjé toï.

¹⁶ Doou ke wo mèa té a ndjè inga baptême, nè na kinga kadji, doou ke wo mèa té ang a saria a koso dè té.

¹⁷ Né tòdjou a dé go dooudjé té ke wo mèdè té, dèdè da touba ndii né ke madjang ke ri Jésus. Dèdè da pa tar ke ta ke dang dang.

¹⁸ Dèdè da kwaa h, ke tokou dèdè daih kouma ke madjang a dadè madjang ngadji ang. Dèdè da kila djidè dò ndjè rò toodjé té, a rò too lodè a goto.

¹⁹ Tokou ban gè té Mbaibé Jésus pa tar kedè mbä, nè nao dara, nè nisi dò dji kòl Allah té.

²⁰ Dèdè dao, dèdè ntòdjou tar ke madji ke loou toï, a Mbaibé Seigneur da kedè, a tòdjou dooudjé tarn lé to tar ke tokoro mbata né tòdjou nèn dé gè té. Amen.