Ebərəje 1 - Testament ke Siki 1960 (Kabba Laka)

¹ Allah ke pa tar dang dang deo té ke dang dang are bòdjèdjè leo, deo té lo prophètedjé,

² Ndò té ke goukou nèn, nè mpa tar naredjè deo té lo Ngonè, nè ke noundè to ndjè kwaa né ndouba né toï, ke deo té la nè nda nange nèn toï.

³ Nè ke nòsou to ndokoo lo Allah ke nounda rè tokou rò Allah ndja, nwaa né toï deo tar singa té la. Tokou nè nda né mbä ta toko né ke madjang, nè nao nisi do dji kòl nè té ke mboui nouta loou té ke tarr.

⁴ Nè ndé boui nouta angedjé deo kadaba tokou ri ke nè ninga to madji wota ridè.

⁵ Mbata mare ange ke da wa Allah pa arè mare ndò, I to ngonem, ma moudji bokonè? Aséh ke marè, Ma ma to bèdjè, ke nè na to ngonem wa?

⁶ Ke marè, tokou nè nare Ngonè ke dongor dé nange nèn, nè mpana, Ase kare angedjé lo Allah toï òsou gadjè.

⁷ Nè mpa tar lo angedjé tokou ban, Nè nda angedjé la to lél, ke ndjè kouladjé la to ndò pourou.

⁸ A nè mpa tar lo Ngonè tokou ban, O Allah, ngèndé gange tar loi to ke ndò ke ndò, Kake kwaa dji ko béh loi to kake ke gaté gaté.

⁹ I ndiki gaté gaté, a i mbeté né ke madjang. Mbata yèn Allah, Allah loi ongou oubou rònèl dòi té wota ndjè boadjé loi.

¹⁰ Ke, I Mbaibé Seigneur, i ounkotè dongor da gòl nange, ke dara toï to koula ke dji da.

¹¹ Dèdè da toudjou, a i to ke ndò ke ndò, dèdè da te konè tokou koubou.

¹² I a kèdè tokou tokou koubou, ke dèdè da tourou, a i, i nai ke loou toï, ke bal loi a keo ndò kada ang.

¹³ A mare ange ke da wa Allah pa arè mare ndò, Isi dò dji kòlem té sar mam nda ndjè kembaadjé loi ta karedè ndé to né kongou gòli wa?

¹⁴ Dèdè toï nto ndii ke da koula lo Allah, ke nè nouladè ta da mbata dèdè ke da kinga kadji ang wa?