Apocalypse 8 - Testament ke Siki 1960 (Kabba Laka)

¹ Tokou Ngon bati toutou né ke ntò ke shiri, loou to dèkèkè gè eo ngadji.

² Gè té ma mo angedjé shiri ke arr no Allah té, daredè tebe narè shiri.

³ Mare ange kada dé arr mbòr bann té ke ngonarè lor, darè yambo nya ke ete ta polè né ke doudjou Allah lo ndjè ko mè tédjé do bann lor té mbòr ngèndé ko béh té.

⁴ Sa yambo lé ï ke doudjou Allah lo ndjè ko mè tédjé ke dji ange té no Allah té.

⁵ Bana ange taa ngonarè, nè nila pourou ke to do bann té mè té dousou, ke mbi nila do nange té, gè té nèn ndi ndange ke ndou bar, ke ndi tél, ke nange yè.

⁶ Bana angedjé ke shiri ke éh ke tebe narè shiri dao nda ta kòl.

⁷ Ange ke dongor kòl tebe narè la, kòdjou ke pourou ke mpolè ke mese dé gè té, ke dongou do nange té. Er loou kada ke dana mouta nange nèn pourou ö, er kake kada ke dana mouta pourou ö, mou ke tébe pourou ö toï.

⁸ Ange ke djo kòl tebe narè la, mare né tokou tòkou err ke pourou ndokoo mè té dila mè tòkou man té.

⁹ Er man kada ke dana mouta dé to mese, nédjé ke to tébe ke mè tòkou man té er kada ke dana mouta woei, ke to er kada ke dana mouta toudjou.

¹⁰ Ange ke mouta koi tebe narè la, tokou ndètélendè kada ï dara oso ö tokou pourou ngèl, noso do ba té er kada ke dana mouta, ke do bwa man té.

¹¹ Ri ndètélendè na Absinthe, man er kada ke dana mouta tourou to absinthe, dooudjé nya woei deo té lo man nèn mbata dé ate nya.

¹² Ange ke sò kòl tebe narè la, dounda er kade kada ke dana mouta, ke er nnè kada ke dana mouta, ke er ndètélendè kada ke dana mouta, baa ta kare er kada ke dana mouta ke ndokoo ndé ndoul, er ndò kada ndokoo ang deo kadaba ke til.

¹³ Bana ma maa ke ma mo tende kada ke ao dan dara té, mpa tar ke ndou ke bar, Ongou, ongou, ongou do dooudjé té ke isi do nange té mbata bar lo tebe narè ke angedjé mouta ata kòl.