Apocalypse 15 - Testament ke Siki 1960 (Kabba Laka)

¹ Gè té nèn ma mo mare né tòdjou ke dara, ke to tòkou boui ke are mè dooudjé ounda dò biö, angedjé shiri ke éh ke né kare doo shiri ke to yéh ke goukou, mbata ongou lo Allah eo deo té lodè.

² Ke ma mo né tokou tòkou man verre ke mpolè ke pourou, ke dèdè ke ndai da nèn ke make la ke né toura ria ke singa, darr mbòr tòkou man verre té, ke kondé lo Allah djidè té.

³ Dèdè dòsou pa lo Moïse, ngonlokisi lo Allah, ke pa lo Ngon bati, mpana, Koula loi to tòkou boui ke are mè dooudjé ounda dò bia, O Mbaibé Allah ndjè singa mongou, Deo loi to gaté gaté ke tokoro, O Mbaibé lo gel dooudjé.

⁴ Na a bel ke a kòsou gadji ri ang wa, O Mbaibé Seigneur? Mbata i kadaba to madji toï. Gel dooudjé toï a dé ke da wali, Mbata gange saria loi téh daka mbä.

⁵ Gè té nèn ma maa, mo kei ke kei koubou tar nadji ke to dara té òrou mbä.

⁶ Angedjé shiri nèn ke éh ke né kare doo shiri, ntéh ke mè kei té nèn, doula koubou lin ke ndokoo ndaa ke yèdo kada goto, ke dwaa karedè ke ndar lor.

⁷ Kada lo dadjé ke tébe sò are angedjé shiri nèn ngonarè shiri ke dousou ke ongou lo Allah, nè ke nisi tébe ke ndò ke ndò.

⁸ Kei nèn dousou ke sa ke to ngà ndokoo lo Allah, ke ngä singa la, ke doou kada ase kande mè kei té nèn ang sar né kare doo shiri lo angedjé shiri eo mbä.