1 Piyɛr 3 - Testament ke Siki 1960 (Kabba Laka)

¹ Tokou ban dènèdjé, woidjé tar lo ngaosésè, tokou ban lé mare dingaodjé wo tar ndja ang, lé tokou mpa tar ang ka da ko mbata ndja ke madji lo dènèdjé lodè,

² Tokou dèdè do ndja losè ke ngemidjé ròsè ke bel.

³ Edaidjé mandé ke rò té ke daka ang, deo kwaa bi dò ke ta koula ninga lor, aséh koula koubou ke dang dang ang,

⁴ A ase kare da né mandé doou ke mè té ke iyaa, ke meré ke toudjou ang ke to ndii mè ke dèkèkè ke mè woul, yèn to kouka madji nya kem Allah té.

⁵ Mbata leo dènèdjé ke madji toï ke mè ngebe lodè to do Allah té, dèdè nda mandé lodè tokou ban, ke dèdè do tar lo ngaodèdè ndja.

⁶ Deo kadaba tokou Sara wo tar lo Abraham, nè mmarè to ebèèdjè. Sésè etoidjé nganè bashénè tokou sésè edaidjé gaté gaté, ke aridjé bel lo mare né dasè ang.

⁷ Deo kadaba sè dingaodjé, isidjé ke kemkarè ke dènèdjé losè, walidjé dènèdjé mbata singa lodè ase losè ang, mbata sésè naaté kedè etoidjé ndjè kwaa né ndouba tébe, ta kare né a tò deo doudjou Allah té losè ang.

⁸ Gè té tar toï, sésè toï, oundaidjé mèsè do ndii té ke mè kadaba, edaidjé mè madji horosè té, ndikidjéna tokou ngakönadjé ke mè ndiki, ke kedji ndoi ròsè ang.

⁹ Etélidjé né ke madjang mbata madjang ang, aséh etélidjé né tadji mbata tadji ang, a etélidjé tar ke madji mbata mmarsè mbata yèn, baa ta karesè ingaidjé né ke madji.

¹⁰ Mbata, Doou ke ndiki ta ko ndò tébe, ke nè ndiki ta ko ndò ke madji, Ase kare nè nòkou ndë ke tar ke madjang, ke nòkou tè mbata tar kere.

¹¹ Ase kare nè nïya madjang ta da gaté gaté, Ase kare nè nsange go mè woul ke nao gè té.

¹² Mbata kem Mbaibé Seigneur to do ndjè té ke gaté gaté, Ke mbia wo doudjou lodè. A kem Mbaibé Seigneur to ta mbeté dèdè ke da madjang.

¹³ Na to ta dasè madjang tokou sésè edaidjé né ke madji wa?

¹⁴ A lé tokou woidjé ndoo mbata né ke gaté gaté, sésè a kingaidjé madji. Edaidjé bel lodè kada ang, aséh aridjé mèsè isa ang.

¹⁵ A walidjé Christ mèsè té tokou Mbaibé Seigneur. Edaidjé ta tél tar ke ndò toï ke doou ke doudjou tar mè ngebe ke to mèsè té, a etélidjé tar ke mè ke dèkèkè ke bel.

¹⁶ Ngemidjé ndii né geré losè madji, mbata tokou sésè ingaidjé né ndoo, dèdè ke ntadji ndja ke madji losè mè Christ té, ròkoul a kwaadè.

¹⁷ Mbata tokou Allah ndiki ban, to madji wota ta ko né ndoo mbata koula ke gaté gaté, wota mbata koula ke gatang.

¹⁸ Mbata Christ woei mbata né ke madjang gar kada mbata toï, nè ke gaté gaté mbata ndjè ke gatang, baa ta tél kedjè rò Allah té, mbata ndè deo da rò té baa noei a ntél ndè ke tébe mè ndii té.

¹⁹ Ke mè ndii tén nè nao mpa tar nare ndildjé ke to kei koula té.

²⁰ Dèdè ke leo ke do tar ang, tokou Allah ngebe ke mè ke dèkèkè ndò té lo Noé, tokou ao tòl to, ke mè to tén dooudjé kada kada, yèn pana, dooudjé djidjo inga kadji deo man té.

²¹ Tourou tar man nèn to baptême ke adjisè bashénè, to ta toko né yèdo da rò té ang, a to tar nadji ke kedji né geré to madji kem Allah té, deo kï té lo Jésus Christ mè bwa yo té.

²² Nè ke nao dara ke néh dò dji kòl Allah té, ke dongou angedjé ke ndjè ko béh ke singa toï dja té.