1 Piyɛr 2 - Testament ke Siki 1960 (Kabba Laka)

¹ Tokou ban, mbata sésè ïyaidjé tar mè madjang toï mbä, ke né kere toï, ke boro, ke tar da mè, ke tar toula do toï,

² Ndikidjé mba ke madji lo tar ndja tokou ngangotaidjé, baa ta kare etòkidjé né mbata kadji.

³ Tokou sésè naaidjé dongor ke woidjé Mbaibé Seigneur to madji,

⁴ Ke ngesidjé ngosiba sa, nè ke nto err ke kem ke dooudjé mbeté, a nè nto err ke Allah mberè ke nto kouka nya.

⁵ Sésè to, tokou err ke kem, ndasè ta dé to kei lo Ndil, ta dé to ndjè kòrdjé ke madji toï ta kare né polo lo Ndil ke ase kem Allah té, deo té lo Jésus Christ.

⁶ Tokou ban mpa mè maketourou té lo Allah, Woidjé, ma mila err mè Sion té, gòl err da kikil kei ke mberè ke to kouka nya, doou ke wo mèa té sa ròkoul a dè ang.

⁷ Tokou ban ke kemsè té ke woidjé mèsè té, nè nto kouka nya, a mbata dèdè ke do mèdè té ang, Err ndja ke dooudjé ke ndjè da kei mbeté mbä, dé to tòkou kikil kei.

⁸ Ke, To err ta kare dooudjé touka gòl, err ta karedè doso, dèdè ntouka gòldè mbata dèdè do tar ndja ang, deo kadaba tokou ntouradè ta da.

⁹ A sésè etoidjé dooudjé ke Allah mberesè, sésè etoidjé ndjè kòrdjé ke mbaidjé, gel dooudjé ke madji toï, dooudjé lo Allah ndja, baa ta kare sésè asidjé tòdjou tar ke madji la, nè ke mmarsè ta kïya londoul ta téh lokarè té la ke madji nya.

¹⁰ Leo sésè etoidjé gel dooudjé ang, a bashénè etoidjé dooudjé lo Allah, sésè ingaidjé mè madji leo ang, a bashénè ingaidjé mè madji mbä.

¹¹ Sésè ke mam ndikisè nya, mam ndoudjousè nya tokou ndjè mbaadjé ke ndjè deodjé, mbetidjé boo ke da rò té ke da doo ke ndilsè.

¹² Ndjaidjé gaté gaté horo Gentildjé té, tokou ban, tokou dèdè ntoula dèsè ta mbetésè tokou dooudjé ke da gatang, dèdè dase ko koula ke madji losè, ke ta piti Allah ndò té ke nè ndé ta kodè.

¹³ Woidjé tar kö béh toï mbata Mbaibé Seigneur, tokou to tar lo mbaibé ke to wota dooudjé toï.

¹⁴ Aséh lo tokou ndjè kö nangedjé, ke nè nouladè mbata kare dwaa ndjè da né ke gatang, ke ta tél da woio kare ndjè ke da gaté gaté.

¹⁵ Mbata yèn to né ke Allah ndiki, ke deo da gaté gaté té sésè asidjé kòkou tar mbe lo ndjè ke geré né ang.

¹⁶ Isidjé tokou dooudjé ke dòdè to lél pè, a edaidjé tar dò to lél pè losè to né ke ta kiyaa madjang ang, a ndjaidjé tokou beredjé lo Allah.

¹⁷ Walidjé dooudjé toï. Ndikidjé ngaködjèdjè. Edaidjé bel lo Allah. Walidjé mbaibé.

¹⁸ Beredjé, woidjé tar lo ebèèsésè ke bel, woidjé sè tar lo dèdè ke nda madji ke ndjè ke mè ke dèkèkè ke kadè ang, a woidjé tar lo dèdè ke mèdè ngeng tò.

¹⁹ Mbata yèn ase mè madji, tokou doou waa ngeng né ongou té ke nda sa gatang, mbata yèn ase kem Allah té

²⁰ Tokou doou isi dèkèkè tokou inga né singa mbata né ke gatang ke nè nda, piti di a kendé wa? A tokou sésè ingaidjé né singa tokou edaidjé gaté gaté, ke sésè isidjé ke mè ke dèkèkè, yèn ase kem Allah té.

²¹ Mbata mmarsè mbata yèn, mbata Christ wo né ndoo mbata losè to, nè naresè do gèlè tokou ban ta karesè ndjaidjé tourou gèlè té.

²² Nè ke nda né ke madjang ang, ke do tar kere tè té ang.

²³ Nè ke tokou ntadjè, nè ntél ke né tadji ang, tokou nè no né ndoo nè ntél tar ndange ang, a nïya tar la nare nè ke ngange saria gaté gaté.

²⁴ Nè ndja ke noto né ke madjang lodjè rè té do kake té, baa ta kare djèdjè djéh ke tébe ang ta da né ke madjang, a ta kare djisi ke tébe mbata gaté gaté, deo doo tounda té la djèdjè ndé madji.

²⁵ Mbata leo sésè abidjé dang dang tokou batidjé, a bashénè sésè etéhdjé rò ndjè koul né té, ke ndjè ngem kemsè.