Numeri 2 - Khoekhoegowab Elobmîs 2020

ǃHaodi ge hâǃkhaib ǃnâ ra ǀgoraǂgāhe

¹ ǃKhūb ge Moseb tsî Aron hâkha sao ra ǁguiǂamde ge mā:

² Israelǁîn ga ǁîn di hâǃkhaiba ǂnaumâi, ob ge mâ khoeb hoaba ǁîb ǃhaoǃnās di ǀûb tsî ǃkhaub ǃnaka nî ǂnaumâi. Hâǃkhaib ge ǃKhūb di Tentommi ǂnamipe nî ǂnaumâihe.

^3-9 Aiǂoasǀkhāb ain ge Judab ǃkhaub ǃnaka hâna ǁîn ǃgubidi tsî ǂgaeǂgui-aon ǃnaka sao rase nî ǂnaumâi: ǃHaos ǂGaeǂgui-aob ǃGôab Judab Aminadab ôab, Nasonni hûdisihakaǀaǀoadisi ǃnanikaidisi (74,600) Isaskari Suari ôab, Netaneli korodisihakaǀaǀoadisi hakakaidisi (54,400) Sebulonni Helonni ôab, Eliab korodisihûǀaǀoadisi hakakaidisi (57,400) ǀHaob ai ǀguikaidisiǁkhaisadisiǃnaniǀaǀoadisi hakakaidisi (186,400) Judab di ǃhaos ge ǂgurose nî ǃgû.

ǃHaos ǂGaeǂgui-aob ǃGôab

^10-16 ǃKhawagasǀkhāb ain ge Rubenni ǃkhaub ǃnaka hâna ǁîn ǃgubidi tsî ǂgaeǂgui-aogu ǃnaka sao rase nî ǂnaumâi: ǃHaos ǂGaeǂgui-aob ǃGôab Rubenni Sedeuri ôab, Elisuri hakadisiǃnaniǀaǀoadisi korokaidisi (46,500) Simeonni Surisadaib ôab, Selumieli korodisikhoeseǀaǀoadisi ǃnonakaidisi (59,300) Gadi Deueli ôab, Eliasafi hakadisikoroǀaǀoadisi ǃnanikaidisi korodisi (45,650) ǀHaob ai ǀguikaidisikorodisiǀguiǀaǀoadisi hakakaidisikorodisi (151,450) Rubenni ǃhaos ge ǀgamǁîse nî ǃgû.

ǃHaos ǂGaeǂgui-aob ǃGôab

¹⁷ ǂGuro ǀgam ǃhaora tsî ǀuni ǀgamra tsîn ǁaegu gu ge Leviǁîga ǃKhūb di Tentomma nî tani. Mâ ǃgubis hoas ge ǂnaumâiǃnâ di hâ ǀûb tsî ǃkhaub ǃnaka nî ǃgû.

^18-24 Huriǂoasǀkhāb ain ge Efraimmi ǃkhaub ǃnaka hâna ǁîn ǃgubidi tsî ǂgaeǂgui-aogu ǃnaka sao rase nî ǂnaumâi: ǃHaos ǂGaeǂgui-aob ǃGôab Efraimmi Amihudi ôab, Elisamab hakadisiǀoadisi korokaidisi (40,500) Manaseb Pedasuri ôab, Gamalieli ǃnonadisiǀgamǀaǀoadisi ǀgamkaidisi (32,200) Benjaminni Gideonib ôab, Abidanni ǃnonadisikoroǀaǀoadisi hakakaidisi (35,400) ǀHaob ai ǀguikaidisiǁkhaisaǀoadisi ǀguikaidisi (108,100) Efraimmi di ǃhaos ge ǃnonaǁîse nî ǃgû.

ǃHaos ǂGaeǂgui-aob ǃGôab

^25-31 ǀApasǀkhāb ain ge Danni ǃkhaub ǃnaka hâna ǁîn ǃgubidi tsî ǂgaeǂgui-aogu ǃnaka sao rase nî ǂnaumâi: ǃHaos ǂGaeǂgui-aob ǃGôab Danni Amisadaib ôab, Ahisieri ǃnanidisiǀgamǀaǀoadisi hûkaidisi (62,700) Aseri Okranni ôab Pagieli hakadisiǀguiǀaǀoadisi korokaidisi (41,500) Naftalib Enanni ôab, Ahiri korodisiǃnonaǀaǀoadisi hakakaidisi (53,400) ǀHaob ai ǀguikaidisikorodisihûǀaǀoadisi ǃnanikaidisi (157,600) Danni ǃgubis ge ǀuniga nî ǃgû.

ǃHaos ǂGaeǂgui-aob ǃGôab

³² Hoaraga ǃgôab Israelǁîn dib ǃgubidi ǃoa ge ǃgôakhâiheb ge ge ǃnanikaidisiǃnonaǀaǀoadisi korokaidisikorodisi i (603,550).

³³ ǃKhūb ge Moseba mîmā khamin ge Leviǁîna Israelǁîn ǀkha ge ǃgôaǀhaohe tama hâ i.

³⁴ Israelǁîn ge ǃKhūb ge Moseba mîmā xūn hoana ge dī. ǁÎn ge mâ-i hoa-e ǁî-i di ǃkhaub ǃnaka hâǃkhaiba ǂnaumâi tsî mâ-i hoa-e ǁî-i ǃhaos tsî ǃhaoǃnās ǀkha ǃaruǀî gere doe.