Saxaria 4 - Khoekhoegowab 2020

Koroǁî ais: ǃAmǀaekandelari di ais

¹ Ob ge tita ǀkha gere ǃhoa ǀhomǃgāba ǁkhawa hā tsî ge ǂkhaiǂkhai te, khoe-i ǂomsa xu ra ǂkhaiǂkhaihe-i khami.

² Tsîb ge tita ǃoa ge mî: “Tare-ets ra mû?” “ǃHuniǀurib ǀkha kurusa ǃamǀaekandelari, ǁîb ǂamǃnâ olixaparos tsî hû ǃamǀaedi, ǁîdi ǂamǃnâ di hû ǂnâxūde hâde ta ge ge mû.

³ ǀGam ǀkherahaira ge ge mâ i, ǀguisa ǃores di amǀkhāb ai tsî nausa ǁareǀkhāb ai.”

⁴ O ta ge ǀhomǃgāb tita ǀkha gere ǃhoaba ge dî: “Nēna kha a tare, ǃgôasatse?”

⁵ Ob ge “Ots kha ǀū?” ti ge dî te. O ta ge “Hî-î, ǀū ta a ǃgôasatse” ti ge ǃeream.

^10b Ob ge ge ǃeream: “Hû ǃamǀaedi ge hû mûdi ǃKhūb didi, hoaraga ǃhūbaib ǃnâ ra mûde.”

¹¹ O ta ge ǁkhawa ge dî: “O nē ǀkherahaira, ǀguisa amǀkhāb ai tsî nausa ǁareǀkhāb ǃamǀaekandelari dib ai mâra tare-e ra ǂâibasen?

¹² ǀKherahaira ǂgonakha, ǃhuniǀuriǀā-ūxura ǃnâ hâkha, ǃhuniǀurib ra ǂnâxūkha tare-e ra ǂâibasen?”

¹³ Ob ge ǁîba “Ots kha ǀū?” ti ge dî te. O ta ge “Hî-î, ǀū ta a ǃgôasatse” ti ge ǃeream.

¹⁴ Ob ge “Nēkha ge ǀgam ǀnausabekha, hoaraga ǃhūbaib di ǃKhūb tawa mâkha” ti ge ǃeream te.

Elob mîmâis Serubabeli ǃoa

⁶ Ob ge nēti ge ǃeream te: “Nēs ge mîs ǃKhūb disa, Serubabeli ǃoa: ‘ǀGaiba xu tama i, ǀgaidība xu tama i, xawe Gagaba xus ge,’ tib ra ǃKhūb Hoaǀgaixaba mî.

⁷ ǃHomgu kōse kai ǃnôa-aiǃnaon, ge sa aiǃâ nî kā. Tempelats ǁkhawa nî ǂnubikhâi, tsî ǀuni ǀuisats ra ǂnûi hîas ge ǁaesa ‘ǀKhommi, ǀkhommi’ ti ǃgarise nî ǂgaiǂui.”

⁸ Os ge ǃKhūb mîsa ge hāba te.

⁹ “Serubabeli ǃomkha ge nē Tempeli ǃgaoǃgaoba ge ǁgui, tsîb ge ǁîba nî dītoa, tib ge ǃKhūb Hoaǀgaixaba ra mî.

^10a Tari-e kha ǂkhari xūn di tsēsa ra ǃharaxū? ǀHaiǀuriǃgomman ga ǁîb ǃomǁae mû, o di ge hû mûdi ǃKhūb dide hoaraga ǃhūbaib ǃnâ nî ǃgâiǂgao.”