Psalmdi 98 - Khoekhoegowab 2020

Elob ge a ǃhūbaib di ǂgaeǂgui-ao

Psalms

¹ ǁNaeba re ǃKhūba ǀasa ǁnaetsana-e buruxanab ge dī amaga. ǁÎb di amǀkhāb ǃommi ge dansa ge mā bi tsî ǁîb ǃanusib ǁôab ge ge hui bi.

² ǃKhūb ge ores âba ge ǂanǂan ǁaedi mûǁaeb ge ǁîb ǂhanu-aisiba ge ǂhaiǂhai.

³ ǁÎb di hâhâ ra ǀnammi tsî ǂgomǂgomsasib Israelsab ūba hâb xab ge ge ǂâi. ǃHūbaib di ǀkhâuǀamdi hoadi ge sada Elob di ǃgâiǃōsiba ge mû.

⁴ Dâba re ǃKhūba ǃhūbaits hoatse ǃgâiaǂgao, î dâb xa ǂgaiǂui tsî ǁnae re.

⁵ ǁNaeba re ǃKhūba harps di ǀōb ǀkha!

⁶ ǀGapadas tsî xâiǁnâs di ǀōb ǀkha ǃKhūb sadu gao-aob aiǃâ dâ re.

⁷ Ab hurib tsî ǁîb ǃnâ hâna ǀō re; ǃhūbaib tsî ǁîb ǃnâ ǁan hân hoana.

⁸ ǃĀgu ge ǃomga nî ǁam, tsî ǃhomgu ge ǃKhūb aiǃâ nî dâǁnae,

⁹ ǁîb ǃhūbaibab nî ǀgoraǃgâse ǃgoaxa xui-ao. ǁÎb ge ǃhūbaiba ǂhanu-aisib ǀkha nî ǀgoraǃgâ tsî ǂhanu-ai ǁaes tsîna.