Psalmdi 97 - Khoekhoegowab 2020

Elob ǀgapi gao-aob

¹ ǃKhūb ge ra gaosîsen! Ab ǃhūbaiba ǃgâiaǂgao re! A di hoaraga ǃnāǃnuide dâ re.

² ǃÂudi tsî ǃkhaenab ge ǁîba ǃnamiǂgā hâ tsî ǂhanub tsî ǂhanu-aisib ge a ǁîb di tron.

³ ǀAes ge ǁîb aiǃâ ǃgû tsî mâǃoasaben hoana ǁîb ǂnamipe ra ǂhubiǂui.

⁴ ǁÎb napagu ge ǃhūbaiba ra ǃnâǃnâ. ǃHūbaib ge ǁnāsa mû tsî ra ǀkhū.

⁵ ǃHomgu ge ǂnuruǁnui-i khami ra tsuni ǃhūbaib hoab di ǃKhūb aiǃâ.

⁶ ǀHomgu ge ǁîb ǂhanu-aisiba ra ǂhôa tsî di ge hoa ǃhaode ǁîb ǂkhaisiba ra mû.

⁷ An taotaohe ǁnān īga ra ǃoabana, harebeoǃnâ īgu xa ra koasenna, ǁîb aiǃâ gu ge elogu hoaga ra ǃhonǁgoa.

⁸ Sions ge ǁnâu tsî ra ǃgâiaǂgao tsîn ge Judab ôana ra ǂkhî, sa ǀgoraǃgâdi xa ǃKhūtse.

⁹ Sats ǃKhūts Hoaǀgaixatse, hoaraga ǃhūbaib ai hoa elogu ǂamaits ge satsa ǀgapiǀgapihe hâ.

¹⁰ Sadu ǃKhūba a ǀnamdo, ǂkhababa ǁkhan re; ǁîb ge ǁîb ǂgomǂgomsa khoen di ûiga ra sâu; ǂkhaba khoen ǃomga xub ge ǁîna ra ǃnoraǃnora.

¹¹ ǃNâb ge ǂhanu-aina ra ǃnâba tsî ǂhauǃnâ ǂgaoga ūhân ǃaroma ǃgâiaǂgaoba.

¹² Dâ re ǃKhūb ǃnâ, sadu ǂhanu-aido î gangan ǁîb ǃanu ǀonsa.