Psalmdi 87 - Khoekhoegowab 2020

Sions ǃnâ ǁans di ǃgâiaǂgaob

Psalms

¹ ǃGaoǃgaohe hâ ǃās âb ge ǃanu ǃhomgu ai hâ.

² ǃKhūb ge Sions di ǂgâ-amde Jakob ǁanǃkhaidi hoadi ǃgâ-ai a ǀnam.

³ ǂKhaisa xūn ge sas xa ra ǃhoahe, Elob di ǃāse:

⁴ Tita ge Rahabs tsî Babilonsa nî ǂâihō kai ǁnān tita ǂann tawa; mû Filistiab tsî Tirusi tsîkha tsî Etiopiaba, ǁîb ge ǁnāpa ǃnae hâ.

⁵ Tsî Sions xa i ge ra mîhe: “Mâ khoe-i hoa-i ge ǁîs ǃnâ ge ǃnae tsî Hoan xa ǀGapib ge aitsama ǁîsa nî ǂnubi.”

⁶ ǃKhūb ge nî ǃgôakhâi, ǁaedeb ga xoamâio: “Nē-i ge ǁnāpa ǃnae hâ” ti.

⁷ ǁÎn ge ǂnā rase ra ǁnae: “Ti ǀaudi hoadi ge sats ǃnâ hâ.”