Psalmdi 84 - Khoekhoegowab 2020

Tempeli ǃnâ ǃoabas di ǃgâiaǂgaob

Koraxi Psalms

¹ Mâtikōse di a ǀnamǀnamsa sa ǁanǃkhaide ǃKhū, Hoaǀgaixatse!

² Ti ǀoms ge ǁkhore tsî kaise ra tura ǃKhūb di ai-omga. Ti ǂgaob tsî ti khoesib ge ra dâ ûitsama Elob ǃoa.

³ Anisa xawes (ǂûs) ge om-e ge hō tsî swabelanisa omrosa ge hōbasen ǁîs ǂkhamronas ra ǁgui ǃkhaisa, sa altardi tawa, ǃKhū, Hoaǀgaixatse, ti gao-ao tsî ti Elotse.

⁴ ǀKhaehen ge hâ ǁnān sa ommi ǃnâ ǁan hâna; ǁîn ge satsa hoaǁae ra koaǁnaeba.

⁵ ǀKhaehen ge hâ ǁnān ǀgaib ân sats ǃnâ hân, ǂgaob ân ǃnâ gu ǃgûkhoesis daoga ǁgoena.

⁶ Bakas di ǂnâsa ǃgoaǃnāgu ǃnâ-un ga ǃkharu on ge ǁîba ǀause ra dī, tsîb ge ǁkhāti ǂguro ǀnanuba ǁîna ǁgam-i ǀkha ra ǀkhae.

⁷ ǁÎn ge ǀgaiba xu ǀgaib ǁga ra ǃgû mâ-i hoa-i ge Elob aiǃâ, Sions ǃnâ nî ǂhai.

⁸ ǃKhū, Elo Hoaǀgaixatse ditse, ti ǀgoresa ǁnâu re ǁnâu re Jakob Elotse.

⁹ Sida ǁkhaukhōba kōǀî re, Elotse sa ǂkhauǀkhāsabeb di aisa kōǀî re.

¹⁰ ǀGui tsēs ǀguisa sa ai-omgu ǃnâ hâs ge ǀoadisi tsēde ǀkhara ǃkhain ai hâs ǃgâ-ai a ǃgâi. ǁNā-amaga ta ge tita ǁhûibasen hâ ti Elob di dao-ams tawa mâsa ǂomxase ta nî eloxoresasib di tentdi ǃnâ ǁans xa.

¹¹ ǃKhūb Elob ge sore tsî a ǁkhaukhō, ǁÎb ge ǀkhommi tsî ǃgôasiba tsîkha ra mā. Tsî ǁnān ǂnao-ose ra ûina xub ge ǃgâib âba ūdawa tama hâ.

¹² ǃKhū Hoaǀgaixatse, mâtikōsen a ǀkhaesa ǁnān satsa ra ǂgomǃgâna!