Psalmdi 8 - Khoekhoegowab 2020

Elob ǂkhaisib tsî khoesi anusib

Davidi Psalms

¹ ǃKhūtse, sida ǃKhūtse sa ǀons di kaisib ge hoaraga ǃhūbaib ǃnâ a mûsa! Sa ǂkhaisib ge ǀhomma ra īǂam;

² tsîn ge ǀgôaron tsî dairan tsîna sa kaisiba ra koaǁnae. ǁNā ǀgaus ain ge sa mâǃoa-aon, khākhoen tsî ǀkhaoǂgaoxan tsîna ra ǃnōǃnōhe.

³ ǀHommi sats ge kurub, ǁkhâb tsî ǀgamiron, ǁîn ǃkhaidi aits ge ǂnûina ta ga kō-o;

⁴ tare xū-e khoe-e, ots ra ǁî-i xa ǂâi, tsî khoen ôa-e, ots ra ǁî-e kōǀî?

⁵ ǂKharirose ǀguits ge ǁî-e Elob ǃnaka ge dī tsî ǂkhaisib tsî ǃgôasib tsîkha ǀkha ǁî-e ge ǀgapa;

⁶ tsîts ge ǁî-e sa ǃomkha di sîsengu ǂama mâi tsî hoaraga xūna ǁî-i ǂaira ǃnaka ge dī.

⁷ ǁKhāti, gūn, goman tsî ǃgarob ǀgurun tsî xamarin,

⁸ anin, ǁaun tsî hoaraga kurusaben hurib din ǂama.

⁹ ǃKhūtse, sida ǃKhūtse sa ǀons di kaisib ge hoaraga ǃhūbaib ǃnâ a mûsa!