Psalmdi 77 - Khoekhoegowab 2020

ǀHūsasib ǃnâ hâ ǁkhaeǂgaob

Asafi Psalms. ǁNaetsanas

¹ Elob ǃoa ta ge huib ǃaroma ra ǂgai Elob ǃoa ta ge ra ǂgai tsîb ge ǁîba nî ǁnâu-am te.

² ǂŌǂōsib tsēs ai ta ge Eloba ge ôa; ti ǃommi ge tsuxuba ǀhōǂuihe hâ tsau tamase, tsîs ge ti ǀomsa ǁkhaeǂgaohesa ra ǂkhā.

³ Elotse satsa ǂâihō tsî ta ge ra ǃgae, ǂâiǂâisen ta ge ra tsîs ge ti gagasa ra ǂkhabu.

⁴ Sats ge ǂkhaikari ra hâ kai te; kaise ta ge a sâoǃnâ, ǃhoa ǁoa ta as kōse.

⁵ ǃKharu ge tsēdi xa ta ge ra ǂâi, ǃgôa-ī ge kurigu xa.

⁶ Ti ǁnaetsanas xa ta ge tsuxuba ra ǂâi ti ǂgaob ǃnâ ta ge ra ǂâiǂâisen tsî ti gagas ǃnâ ra ôaǃnâsen:

⁷ “Ob kha ǃKhūba ǀamose nî ǂhara? ǁKhawas tsînab kha ǀkhomxa tide?

⁸ ǁÎb di hâhâ ra ǀnamma kha ǀamose go toa? ǁÎb mîs ǃhaosa xu ǃhaos kōseb gere māsa kha ge toa?

⁹ Eloba kha ge ǀuru ǀkhomxaǃnâsa? ǁÎb ǁaiba kha tsâbaǁhaoxasib âba ge gaoǂam?”

¹⁰ O ta ge ge mî: “Nēb ge ti tsûaǂgaoba: Hoan xa ǀGapib di amǀkhāb ǃommi ge ge ǀkhara.”

¹¹ ǂÂihō ta ge nî ǃKhūb di dīga; sa sîsengu ǃgôa-ī ge ǁaeb diga ta ge nî ǃhoa.

¹² Sa sîsenni hoab xa ta ge nî ǂâi, tsî sa buruxa dīgu xa nî ǂâiǂâisen.

¹³ Elotse sa daogu ge a ǃanu. Mâ elo-e sida kai Elob khami a kai?

¹⁴ Sats ge ǁnā Elots buruxa sîsenga ra dītsa; sa ǀgaibats ge ǁaedi ǃnâ ge ǂanǂan.

¹⁵ Sa ǁôab ǀkhats ge ǁaede ge ore Jakob tsî Josef hâkha di ôana.

¹⁶ ǁGamgu ge sats Elotsa ge mû ǁgamgu ge satsa mû tsî ge ǃao ǃgam ǁgamgu ge ge ǀkhū.

¹⁷ ǃÂudi ge ǀnanuba ge ǁhōǂui, ǀhommi ge ǃguruba ge ūǀkhī, ǁkhāti gu ge sa ǂāga ge ǁkhâusīhe.

¹⁸ Sa ǃgurub di ǀōb ge sares ǃnâ ge hâ i. Napagu ge ǃhūbaiba ge ǃnâǃnâ tsîb ge ǃhūbaiba ge ǀkhū.

¹⁹ Sa ǃgûdaob ge hurib ǃnâ-u ge hâ i, sa ǃgûǂgaroba ǀgaisa ǁgamgu ǃnâ, xawe di ge dāǃharodi âtsa ge mûsa tama hâ i.

²⁰ Sa khoenats ge gūn khami ge ǂgaeǂgui, Moseb tsî Aron hâkha di ǃommi ǀkha.