Psalmdi 75 - Khoekhoegowab 2020

Elob ge a ǀgoraǃgâ-ao

ǁNaeǃnans ǂgaeǂgui-aob ǃoa: “Tā hîkākā” ti hâ ǁnaeǀgaub ǃoa. Asafi Psalms. ǁNaetsanas

¹ Gangan tsi da ge ra Elotse, gangan tsi da ge ra, sa ǀons ge sida tawa a ǀgū khoen ge sa buruxa dīgu xa ra ǃhoa.

² Elob ge ra mî: “Mîmâisa ǁaeb, tita ǂnûiǂgā hâb ai ta ge ǂhanu-aisib ǀkha nî ǀgoraǃgâ.

³ ǃHūbaib tsî ǁîb ai hân hoan ga tsunibē; xawe ta ge ǂkhâǃnâhaigu âba nî mâiǁapoǁapo.

⁴ ǀGapiǂâixan ǃoa ta ge ‘Tā ǀgapiǂâixa’ ti ra mî; eloxoresan ǃoa ta ge ‘Tā ǁnâba ǃkhōkhâi!

⁵ Tā ǁnâba ǃkhōkhâi tamas ka io ǂnîǃaoxase ǃhoa’ ti ge mî.”

⁶ ǀGapiǀgapis ge aiǂoas tamas ka io huriǂoas tamas ka io ǃgaroǃhūba xu hâ tama hâ.

⁷ Elob ge ǁnāb ǀgoraǃgâ rab, nē-e ǃgamǃgam tsî nau-e ra ǀgapiǀgapiba.

⁸ ǃKhūb di ǃommi ǃnâs ge āǀgabis, goa ra ǂauxûib, habaguhe hâb xa ǀoa hâsa hâ. ǁÎb ge ǁîsa xu ra ǂnâǂui tsîn ge hoaraga eloxoresana ǂgomab kōse nî ā.

⁹ Xawe tita ge ǀamosib kōse nî ǂhôa; tita ge Jakob di Eloba nî koaǁnaeba.

¹⁰ Tsî ta ge hoa eloxoresan di ǁnâga nî ǁhāǁnâ, xawe ǂhanu-ain di ǁnâgu ge nî ǀgapiǀgapihe.