Psalmdi 67 - Khoekhoegowab 2020

Gangantsanas

Davidi Psalms ǀkhōxūs ǀkha

¹ Ab Eloba ǀkhomxa da; ab ǀkhae da, îb ais âba ǃnâǃnâǂam da;

² ǁîb di sîsengu nî hoaraga ǃhūbaib ai ǂanhese tsî ǁîb di ores ǀgaiba hoa ǁaedi ǁaegu.

³ A di ǁaede kare tsi Elotse, an khoen hoana kare tsi re.

⁴ A di ǁaede ǃgâiaǂgao tsî dâxase ǁnae sats ra ǂhanu-aise ǀgoraǃgâ, tsî ǁîna ǃhūbaib ai ǂgaeǂgui xuige.

⁵ ǁAedi ge satsa nî koa Elotse; a di hoa ǁaede kare tsi re!

⁶ ǃHūb ge ǂûtanib âba ra ūǀkhī Elob, sada Eloba ab ǀkhae da.

⁷ Elob ge sada nî ǀkhae tsîs ge ǁaesa ǁîba ǀamose nî ǃao.