Psalmdi 64 - Khoekhoegowab 2020

Khākhoena xu sâuhes di ǀgores

Davidi Psalms

¹ ǁNâu re Elotse ti ǀhâisa; khākhoeb di ǃaoba xu ti ûiba sâu re.

² ǂKhaba khoen di ǀapede xu gaugau te re; ǁnān ǂkhababa ra sîsenna xu.

³ Namdi âna gôab khami ǀāǀā tsî au mîde ǂāb khami ra ǂgaeǃnâna.

⁴ ǀHapio khoena ǂganǃgâsa ǃkhaidi ai nî ǁkhâuse tsîn ge ǃnapetamase ra ǁkhâu bi, ǃao tamase.

⁵ ǂKhaba ǀapedi ǃnân ra ǂgaoǂgaoǃnâgu; ǁîn ge ǁnoade ra gaugau, “Tari-e ǁîde nî mû ti mî tsî.”

⁶ ǁÎn ge ǂhanuoǃnâsiga ǀape tsî ra mî: “Sida ge ǃgâi ǀhôagao ǀapesa go ǂâiǂui.” Khoe-i di ǃnākhoesib tsî ǂgaob ge a gāxaǃnâ.

⁷ Elob ge ǂāb ǀkha ǁîna nî ǁkhâu tsîn ge ǃhaese nî tsûtsûhe.

⁸ Tsîs ge nams âna ǁîn di ǁnāsa ra ǃaroma tsî nēsa ga mûn hoan ge nî ǃnabindana.

⁹ On ge hoa khoena ǃaob xa ǀoa tsî Elob di sîsenga ǂhôa tsî ǁîb sîsenna nî ǁnâuǃā.

¹⁰ ǂHanu-ain ge ǃKhūb ǃnâ ǃgâiǃgâisen tsî ǁîb ǃnâ nî sâusen. Hoan hîa ǂgaogu ân ǃnâ ǂhauǃnân ge ǁîb xa nî koasen.