Psalmdi 63 - Khoekhoegowab 2020

ǁKhaeǂgaob tsî ǁaposasib Elob ǀgūhâsib ǃnâ

Davidi Psalms, Judab ǃgaroǃhūb ǃnâb ge hâ i ǁaeb ǃnâ

¹ Elotse, sats ge a ti Elo; satsa ta ge ra ôa. Ti ǀoms ge sats ǃoa ǁgâ hâ; ti soros ge satsa ra ǁkhore; ǂnâsa ǃhūb, ǁgamob ǃnâ.

² Sa ǃanusib ǃnâ ta ge ge kō tsî ta ge sa ǀgaib tsî sa ǂkhaisiba ge mû.

³ Sa hâhâ ra ǀnammi ge ûib ǃgâ-ai a ǃgâi; ti amǁgaukha ge satsa nî kare.

⁴ ǁNā-amaga ta ge ti ûib ǃnâ nî kare tsi sa ǀons ǃnâ ta ge ti ǃomkha nî ūkhâi.

⁵ Kaub tsî kausasib ra ǁâ kai khami ta ge nî ǁâ tsîs ge ti amsa dâxase ra ǁnae amǁgaukha ǀkha nî kare tsi.

⁶ Sats xa ta ge ti kharob ai ǂâi tsî tsuxuǃûidi ǃnâ sats xa ra ǂâiǂaisen.

⁷ Sats ge tita huise ība tsî sa ǁgabogu di sommi ǃnâ ta ge ra dâǁnae.

⁸ Sats ai ta ge ra ǂae, sa amǀkhāb ǁôab ge ra ǂkhâǃnâ te.

⁹ Tsî ǁnān ti ûiba hîkākā nîse ra ôan, ǁîn ge ǃhūbaib di ǃgamsib kōse nî ǁgôa.

¹⁰ Gôab di ǀgaib ǃnâ māǁnâhe tsîn ge nî ǀgirin di amǀnē kai.

¹¹ Xaweb ge gao-aoba Elob ǃnâ nî ǃgâiaǂgao; ǁîb tawa ra nū-i hoa-i ge nî koasen, ǂhumi-aon di amdi nî ǂganamhe xui-ao.