Psalmdi 62 - Khoekhoegowab 2020

Elob ge ǀgaisa tsî a ǃgâi

Davidi Psalms, Jedutunni ǃoa

¹ Elob tawa ǀguis ge ti ǀomsa ǃnōsasiba ra hō; ǁîba xus ge ti oresa hâ.

² ǁÎb ǀguib ge a ti ǃgareǀui, ti ǃgâiǃō tsî ǁhaiǁhâǃkhai tsî ta kaise ǁnobeǁnobehe tide.

³ Mâǁaeb kōse du khoe-e ǁnāǂam tsî nî ǃgam? Hoadu ge ǂnubiǂgoab ǁnāǁgôa ǂgao rab, ǂhāǁguihe ra ǀuiǂnubiǂgoab khami ī.

⁴ Mâtin ǀgapib âba xu nî ǂhāǁnâ bisan ra ǀape ǂhumib xan ǃgâibahe tsîn ams ân ǀkha ǀkhae tsî ǂgaob ân ǃnâ ra ǀâxare.

⁵ Elob aiǃâ ǃnō re ti ǀomse, ǁîb ai ǀgui ta ra ǂgomaiǂnûi xuige.

⁶ ǁÎb ǀguib ge a ti ǃgareǀgui tsî ore-ao, ti ǁhaiǁhâǃkhaib, ǁîb tawa ta ǁnobe tideba.

⁷ Elob tawas ge ti ores tsî ǃgôasiba hâ Ti ǀgaib di ǃgareǀuib ti ǁhaiǁhâǃkhaib ge Eloba.

⁸ Hoaǁae ǁîba ǂgomǃgâ re ti khoedo ǁÎb ai ǃâ sa sau ǂgaoba ǁhōǂui re Elob ge a sada ǁhaiǁhâǃkhai.

⁹ Khoe-i ge ǀoms ǀguisa i, khoesib ge a ǂgomǃgâhe ǁoa; ǀnō-ūdas ain ra ǃapa xawen ǀhaob ais tsîna ǀommi ǃgâ-ai supu.

¹⁰ Tā ǂkhabadīb ai ǂgomaiǂnûi tsî sadu ǂgomǃgâsa ǀgaiǀhanas ǃnâ mâi. ǃKhūsib ga ǀarosen xawe sadu ǂgaoga tā ǁnās ai mâi.

¹¹ Elob ge ǀgui ǃkhaisa ge mî; ǀgam xūna ta ge ge ǁnâu: ǀGaib ge a Elob di;

¹² sats ti ǃKhūts tawab ge hâhâ ra ǀnamma hâ; mâ khoe-i hoa-ets ǁî-i sîsengu ǃoa ra mādawa-am xui-ao.