Psalmdi 60 - Khoekhoegowab 2020

Ores di ǀgores

ǁNaeǃnans ǂgaeǂgui-aob ǃoa. Susan Eduts ǃoa. Davidi ǀgaipetsanas; Rama-naharimmi tsî Arama-sobab hâkha ǀkhab ge ǂnoagu, tsî Joab ge oahās âb ǃnâ disiǀgamǀaǀoadisina Edommi ǃnâ, ǂŌxaǃgoaǃnāb ǃnâ ǃgamo, hō ǁguiǂams.

¹ Elotse sats ge sida ge ǂhara sats ge sida ge ǀkhauǃā; sats ge sida ǀkha ge ǁaixa xawe nēsi ǂgauǂgau da re.

² Sats ge ǃhūba ge ǂgubi kai ǁîbats ge ge ǂariǃā kai. ǁÎb di khôa hâ ǃkhaide ǂgauǂgau re ǀkhū ra xuige.

³ Sa khoenats ge ǃgomma ge tsâ kai tsîts ge ǁnākeǁgapi kai da ra ǂauxûi-e ge ā kai da.

⁴ ǁNān satsa ra ǃaoǃgânats ge ǃkhau-e ge mâiba khāsa xun nî ǁhâse.

⁵ Sa ǁkhāsiba xu sâu da re, î sida ǀgoresa ǁnâu-am re. ǁNān satsa ǀnamn nî orehese.

⁶ Elob ge ǃanusib âb ǃnâ ge ǃhoa: “Tita ge nî dâ; Sexemsa ta ge ǀgora tsî Sukotǃgoaǃnāba nî ǀnōtoa;

⁷ Gileads ge a ti, Manaseb ge a ti. Efraimma ti danas di toroǀgapa tsîb ge Judaba a ti gaohai.

⁸ Moab ge a ti ǁāǃnâǃore; Edommi ai ta ge ti ǀkhapusa ra ao Filistiab ǂama ta ge ra dâ.”

⁹ Tari-e omǂnamisa ǃās tawa nî sī-ū te? Tari-e tita Edoms ǃoa nî ǂgaeǂgui?

¹⁰ Elotse, sa tamatsa kha sida ge ǂharatsa tsî sida toroǂnubidi ǀkha ǃgûǂoa tamatsa?

¹¹ Sida khākhoena da nî mâǃoa-ū ǁkhā ǀgaiba mā da re khoesib di huib a harebeoǃnâ xuige.

¹² Elob ǀgaib ǀkha da ge nî dan tsîb ge ǁîba sada khākhoena nî hîkākā.