Psalmdi 48 - Khoekhoegowab 2020

Sions, Elob di ǃāse

ǁNaetsanas. Koraxi ôagu di Psalms

¹ ǃKhūb ge a kai, tsî koahesa anu; sada Elob di ǃās ǃnâ, ǁîb di ǃanu ǃhommi ai.

² Îsab a ǀgapib âb ai, hoaraga ǃhūbaib di ǃgâiaǂgaob; Sionǃhommi di, ǃnū ǀapas ǃnâ, gao-aob di kai ǃās ge a ǁî.

³ Elob ge ǁîs di ǁkhui-omgu ǃnâ hâ tsîb ge sâuǃkhaise ge ǂhaiǂhaisen.

⁴ Mû re gao-aogu ge ǀhû tsî ǀguipa ge ǃgoaxa i.

⁵ Mû gu ge, o gu ge ge buru; ǃao tsî gu ge ge ǃkhoeni.

⁶ ǁNāpa gu ge ǀkhūb xa ge ǃnamiǂgāhe; ǃaob xa, ǁora ra tarekhoes khami.

⁷ Aiǂoas di ǂoab ǀkhats ge Tarsis di ǂgaude ra hîkākā.

⁸ ǁNâu da ge khami da ge ge mû Elob ge dī xūna, sada Elob, ǃKhūb Hoaǀgaixab di ǃās, ǁîsab ǁaposa ǃkhaise ǀamosib kōse ge mâis ǃnâ.

⁹ Sa hâhâ ra ǀnammi xa da ge sa Tempeli ǃnâ ra ǂâi, Elotse.

¹⁰ Sa ǀons khamis ge sa koasa hoaraga ǃhūbaib ai ra sī Elotse, sa amǀkhāb ǁôab ge ǂhanu-aisib xa ǀoa hâ.

¹¹ Sionǃhommi ge ra ǃgâiaǂgao, Judab ǃādi ge ra dâ sa ǀgoraǃgâdi ǂama.

¹² Sionsa ǃgûǂnami, ǁîs ǂnamipe ǃgû, î ǁîs di ǂgō-omga ǃgôa re.

¹³ ǁÎs di ǁkhui-omgu ai ǂgaob âtsa ǃammâi, î ǁîs di toro-omga ǃgûǃnâǃganu; egats nî ǁîsa sao ra suriba ǂhôase.

¹⁴ Nē Elob ge ǀamos kōse a sada Eloba, tsîb ge ǁîba ǀamos kōse sada nî ǂgaeǂgui.